السلام عليكم هذه قصيدة بالوالد رحمه الله اتمنى ان تنال اعجابكم




ياونتن ونيتها هدت الحيل=لولا الحنايا تنمع من لججها
ونت صواب الذيب مع طلعت سهيل=وحصاني الوادي تزايد هججها
طوارين تطريلي الصبح والليل=يالله دخيلك وانت عندك فرجها
والدمع فوق الخد مثل الهماليل=والعين من دمعي تبين حرجها
يعرجبي الهاجوس مع كة الويل=كل الدروب الا طريقن عرجها
دربن عسيره في سماها مخاييل=والسيل ناطحني جري مع فججها
دربن تذكرني بقرم الرجاجيل=عساه للرحمه عدد من هرجها
حرن ولد حرن يحل المحابيل=كم درب وعره في ذلوله سهجها
وتنصاله الضيفان من ريحة الهيل=والنار حية مايطفي وهجها
ماذل من فاقة ليالن مقابيل=يوم الردي هي حجته لاحججها
وحلحيل لامن جات طريا حلاحيل=منهاج ابوه وخاله اللي نهجها
ماقلت قولي ودي ابدع تماثيل=ولاسوالف نمك نامك دمجها
وراضين في سنتك يامهلك الفيل=والدرب مفروضة وواجد درجها
يالله تغفرله عدد سيلن يسيل=وعداد فوق الارض واللي ولجها

أبيآت جزله
صـح لسآن شآعرها مليون

سلمت يمنآكـ صمت الهبوب

لآ عدمنآ جديدكـ


((تـحـيـآتـي))

حرن ولد حـرن يحـل المحابيـل
كم درب وعره في ذلوله سهجهـا
وتنصاله الضيفان من ريحة الهيـل
والنـار حيـة مايطفـي وهجهـا
ماذل مـن فاقـة ليالـن مقابيـل
يوم الردي هي حجتـه لاحججهـا
وحلحيل لامن جات طريا حلاحيل
منهاج ابوه وخالـه اللـي نهجهـا



صمت الهبوب
شكرآ لكـ قصيده جزله أوفــت المــدح للممدوح مايستحقه لا حرمنا الله تواجدكـ يالنشميييييـي .
تح ـيآآآآآتييييييـي

صح لسان مليييون اخوي صمت الهبوب

قصيده جزله ...وابيات رائعه

رحم الله والدك رحمه واسعه

ودي وتقديري

شكرا لكم على مروركم المميز والمعتاد