هذي محاورة بين جنيه الذهب وتركي 2000

في ينبع 29/1/1429 في حفل طلال الكشي

وقد اان البيت الاول فقط من الشيخ /عودة الكشي

بسم ابن حمدان طلال مرحب بالجميع===عد ما لاحت بروق الحيا بمزونها

محمد السناني
في حلال العزوة اللي لها طيب وصنيع===النجوم العالية لو نوو يصلونها

تركي 2000
البقا ياللي ترحب عدد نبت الربيع===والعلوم الطيبة واضح مضمونها
الوفاء والطيب بين القبايل مايضيع===والجبال اللي وراها يجي من دونها

محمد السناني
بارك الله فيك توي دريت انك شجيع===لاهرجت الناس كلمت ماينسونها
هات جهدك يابن ادم حسب ماتستطيع===العرب ماكل حاجه تسد عيونها

تركي 2000
الشجاعة مكسب لي وانا طفل رضيع===والله اللي عز رووس العرب بمتونها
من يحمل طاقتة فوق ما لا يستطيع===بشرة بالجمرة اللي علي غليونها

محمد السناني
يوم ترضع كنت محسود في القلب الوسيع===مايهمك روس نيبنها وسنونها
نحمد الله استرحنا وسرحنا القطيع===مير لا تبنون الاسوار وتهدونها

تركي 2000
عام الاول يوم تاطا علي شوك النقيع ===ظللتك الشجرة المثمرة بغسونها
قبرك المحفور ماهي بمقبرة البقيع===احسب ايام الليالي وسد ديونها

محمد السناني
عام الاول قبل يصدر كتاب ابن منيع===ربعنا حمر النواظر تغير لونها
المهم ان العمل زين ومحمد شفيع===ركعتين الصبح تكفون لا تنسونها

تركي 2000
كل عاصي يالسناني بحول الله يطيع===والجبال الراسية ماتهز ركونها
يامسافر لا تجنب عن الخط السريع===الامانة في يدينك عساك تصونها

محمد السناني
العبادل تشتري ارواحها ولا تبيع===لين ترجع حبت الدخن في ماعونها
الامانة سلمت من وديع الي وديع ===واحد حافظ عليها وذاك يخونها

تركي 2000
العبادل عزوتن شانها شان رفيع===رجع بضاعتك لا هنت في كرتونها
احفظ الزبدة واراهنك تبطي ماتميع===الرجال تضن وانت تعرف ضنونها

محمد السناني
العبادل كفو للحرب والمنظر فضيع===لا تحملها بقانون عن قانونها
ودي اعلمك وش بيح السد المنيع===اختلط صاح خزاعة علي مجنونها

تركي 2000
الذيابة مرقبة كل ضلع وكل ريع===علم اللي تحرث المشكلة بقرونها


م ن ق و ل

جهد مميز من جريح الصمت
لقد كان الحفل قمه في الروعه واكمل روعته جريح الصمت في نقله لنا


هنئياً لنا في جريح الصمت لقد اثرى المنتدي بمواضيعه الجميله التي تدل على قمه روعته

تقبل مروري المتواضع

جريح الصمت .. إذا كان للتميز عنوان .. فهو أنت ..
يعطيك العافيه .. ولك خالص شكري وتقديري ..