((( قصيدة الدنيا)))=
يـاالله ياربـي عليـك اتكـالـي=يالواحد اللي دايـمٍ فـي رجاويـه
رب العبـاد واليـاً كـل والــي=محيي هشيم العظم ولعرق محييه
تستر علينا من صـدوف الليالـي=اللي يضيق الصدر منها وتكويـه
دنيا غروره مآبهـا طيـب فالـي=تزين يوم ويوم ياصحاب تشنيـه
تقبل علينا مثـل زهـر الخمالـي=ولأودعت يبس الحيا في مراويـه
ماهـي معـزة دنيـةٍ لـزوالـي=والموت لوطال العمر يوم يلفيـه
بعض العرب يمشي بكبر وخيالـي=يتبع هواه ودايم إبليـس مغويـه
يمشي وكنه بيـن نجـم وهلالـي=مايدري أن الموت يتبع خطاويـه
أبنصح أللي عاد يبغـى التوالـي=ليحط دنيـا فانيـة فـي هقاويـه
حنا ضيوف وكلنا فـي إرتحالـي=ما للمسافـر غيـر زادٍ مسويـه
ينفعه في يـوم يجيلـه سؤالـي=يوم (ن) يفر المرء من عند مؤويه
وصلات ربي عد مـزن الخيالـي=وعداد مابرقٍ برق مـن مناشيـه
على نبيـن يشفـع بكـل حالـي=للمسلم اللي دايـمٍ فـي حراويـه

صح لسانك

وتسلم الانامل

:
"
/

ابيات رائعه وراقت لي كثيرا

شكرا بلا حد

ساري الساري
أحرفك تضيء والقلم لا يزال منك يبدع
دمت راقي بكل معنى
لقلبك السعاده الدائمه
تقديييييييييري لسمو شخصكـ

ابيات نالت اعجابي لك المحبه وسلمت يمينك اخوي

صح منطؤؤقك آخؤي ساري الساري
آبيآآت رآآئعه ؤقمه فئ آلجزآله
لآهنت ؤلآتعبت يمنآآك ع هآلطرح آلآكثر
من رآئع يآشآآعرنآ ؤبآنتظآآر نزف قلمك
آلقآآدم

خآلص آلـؤد