((((((الوصية)))))


يا فارس ادني دالتي ولفناجيل=وهات البهار اللي يزيل العسامي
وشب ضو النار ووقد بها حيل= وحرص عليها يا فتى لاتنامي
وحمس لنا بن اليمن ووجد الهيل=وجهز لنا كيف الرجال الحشامي
ودي بتعليله مع الجدي وسهيل=با رافق النجمات فوق ألغمامي
عساي اسلي خاطري بالتماثيل=وأنسى الهموم اللي علينا تزامي
أيامنا يأبوك هم وغرابيل=عوج الليالي تجتلد بإظلامي
أزريت أميز حالها وعدل الميل=نبغا السلام وما لقينا سلامي
في ضحكها يأبوك غدر ومحابيل=ياكم من قفت ضعونه ضوامي
بوصيك عن درب الوفاء دوم لا تحيل=امشي طريق الطيب وسمع كلامي
وخلك لربعك ياضنيني كما شعيل=يشيل حمل القوم ويمشي همامي
رجل(ن)باليا ربع ما ينطح الخيل= ولا يمشي الخطوة كسير ألعظامي
وكمل فروض الدين ولا تنقص الكيل=وحفظ صلاتك يا فتى وصيامي
ينفعك في يوماً يجي حرة أمهيل=وكلاً على زاده بياخذ وسامي
خذ الحذر يا مسندي وفهم القيل=وحفظ وصاتي يا رفيع ألمقامي

صح لسآنك أبو فارس
لاهنت على هاالابيات الرائعه , الله يحفظلك فارس ويطول بعمره على التقوى والعلِّم الغانم يارب
تقبل حضوري المتواضع

صـح لسسآنكـ مليون

جزله من رآس جزل


لآ عدمنآكـ


((تـحـيـآتـي))

اخي العزيز المسافر
الرائع مرورك الكرم على متصفحي المتواضع
حفظك الله ورعاك

اخي راسم الكلمه
الف شكر وتقدير على تواجدك في متصفحي المتواضع
لك مني كل الود وتقدير