اخي الغالي سعد
لي يومين احاول اتصل فيك وانت خارج الارسال وقوطرت بي الهواجيس بعيد وكتبت لك هالبيتين




هلا يامرحبا ترحيبة(ن) يفرح بها الرجال=براع السبحة اللي كل ما غنى يفرفرها
جريح الصمت لك يومين وانته خارج الارسال=عسى مالك مزارات(ن) بوسط البر زايرها


اخوك محمد

يدوم لك البقاء ياللي ترحب والليال طوال == ياراع المكتب اللي مايحسب في خسايرها

جريح الصمت حاضر مايغيب ولا قفل جوال == لكن الناس انا مدري وش مكدر خواطرها

هلااااااااااااااااااااااااااااااااااااا
الصفوف يالربع

متاااااااااااااااااااااااااااابع

انا ماني مكثر ياسعد من قيل واللا قال=لكن فلوسك اللي جابها الله لاتبعثرها
توقع لاتجيك عقود ماتلقى لها حلال=تضيع السالفة وتضيع ايامك تدورها

محمد يامحمد لا تشد الصوت بالـمـــوال == ترى الارزاق من عند الولي والله يقدرها


انا رجال حاسب خطوتي ماينشغلي بال == لكن انته يابن مزعل على راسك تدحدرها

انا شايف معارك طاحنة ناقص لها عذال=+=ولو ياقف بها العذال ماتدرى مخاطرها
اذا تبغى علامات القيامة خلك الدجال=+=تطولها ليا قصرت ولاطالت تقصرها

احيي بكم المبدله الشعريه

قمة الروعه

بهذا التبادل الشعري

يستفيد المتصفح

ننتظر القادم

معارك طاحنه والخيل بالميدان يالخيال == وفيه عباد منتحره تبي بكره تفجرها


علامات القيامه واضحه يا مطول المنزال = علام اهل الحضائر ودها تهدم حضائرها

المعنى ببطن الشاعر .

:


محاورة تستحق المتابعة

:

بصراحة يابو هضيبان مافيك حيلة وفالك البيرق




ترى دنياك دايم تجمع العقيل والجهال=واخير الناس من نفسه لياخفت يوقرها
وانا خابرك عاقل وابن عاقل مانت راع خبال=تشوف الفرق واضح بين مومنها وكافرها

اللي مافيه حيلة انت ياابوعزام فالك الجنه و ارض بقيمة عشر مليون


انا ربي وهبني عقل والدنياء بها معدال = = ونفسي ماتخف وحامد النعمة وشاكرها

انا خابرك فارس وابن فارس والحمول ثقال = = ليا شفت المعارك ما تقرب من مخاطرها

اكيد ابو عزام يبي يديني لو خمسين الف
من اليوم وانا في الصف

متاااااااااااااااااااااااااااااااااااابع وانتظر الخمسين الف

وهبك الله عقل يميز الطيب من البطال=تجيك النعمة وعقلك من الحكمة يطيرها
تخاوينا بطريق المعرفة كلا مسك له جال=لقيتك كل ما كبرت لك حاجة تصغرها


اجمل محاورة مع شاعر يستحق المتابعة

بدون مجاملة انت ما انت بسهل

اخوك ابو عزام

ابو عزام شهادة من شاعر كبير وافتخر بها

الصفوف تعبت ياابوعزام والليل سرى وما اقول الا بيض الله وجهك

حلت بركه

كل الود