ليه الدموع وليه كثر الونيني

ليه الغظب ليه العتب والمشاريه



ليه الكلام الي يبيح كنيني

شين يزيد ألام الأيام مابيه



تكفين كفي دمعتك وارحميني

قلبي من اسبابك يكفيه مافيه



يكفيني اللي بثه البعد فيني

بين الرجا والياس وقتي مقضيه



قلبي حزين ودمعتي تكتسيني

وش عاد باقي في يديني واتبغيه



خليت لجلك كل قاسي يليني

وصادمت روسن لجلك الموت تشريه



وان عاش راسي واسعفتني سنيني

لروي ظمأ قلبي بقربك واهنيه



لويزرعون الغام بينك وبيني

نذرن عليه لمشي الدرب واطويه




واشيل روحي فوق راحة يميني

وابيع عمري لجل شوفتك واشريه



واجيك لو دونك سياجن متيني

دامك رجا قلبن بعطفك غمرتيه



حبك زرعته وسط قلبي وعيني

واسقيته بدمعي ودمي يغذيه
الشاعر فيصل العتيبي

يعطيك العااااااااااااافية
ونقل رائع

شكرااااااااااااااااااااااااااااااااااااااااااااابل احد

يعطيك العافية على نقلك

دمت بود