يا كثرهم .. لا قلت لك .. عرفة وجيه=
ويا قلهم .. لا قلت .. قـدر ومعـزه =
رجلٍ .. تعزه بعد ما تلتقـي .. فيـه=
ورجلٍ .. قبل ما تلتقي به .. تعـزه =
ورجلٍ .. ترزه بالمجالـس مباديـه=
ورجلٍ .. فلوسه بالمجالـس تـرزه =
ورجلٍ .. يموت ولا يجيبون طاريـه=
ورجل ٍ .. يجي طاريه في كل حـزه =
ورجلٍ يهزه .. بعض موقف ويشقيه=
ورجلٍ .. مهوب أيّات موقـف يهـزه =
ورجلٍ .. ضعيف .. ويستفزه معاديه=
ورجلٍ .. كلام اعداه .. مـا يستفـزه =
ورجلٍ .. تلزه يعترف لك .. بخافيـه=
ورجلٍ .. على خافيه .. محـدٍ يلـزه =
ورجلٍ .. يوزّونه .. ويزعل بنيخيـه=
ورجلٍ .. يزعّل من يحاول .. يـوزه =
ورجلٍ .. تكزه لا زم انك .. توصيـه=
ورجلٍ .. بليّا مـا توصيـه .. كـزه =
من لا فرش .. للمرجله .. ما تغطيه=
ومن لا يخز .. الناس .. محدٍ يخـزه =
ان كنت تعرفني فهي .. عرفة وجيـه=
مو شرط لك بالقلب قـدر .. ومعـزه =
خلف المشعان

يعطيك العافية ع النقل
الرائع والجيل لاهنت يالغالي
تحياتي لك

يعطيـــــك العافيه يالغالي

صح نقلك ومنقـــولك

تقبل مروري تحياتي لكـ