http://vip-chart.freeiz.com/1/12.gif




قصيدة ثناء مستحق بملك القلوب / عبدالله بن عبدالعزيز حفظة الله
للشاعر / عايد بن فهد العنمي



بديت باسم مصور الكون تصوير

الواحد الخلاق عز الجلالي





يالله ياللي كل حكمك مقادير

ياللي رفعت الكون لك الكمالي





يالله ياللي ترفع الطير ويطير

تحفظ ملكنا اللي لشعبه مثالي





تحفظ ابو متعب رفيع المقادير
نجما تعلى فوق كل العوالي





شخصية ترجح بكل المشاهير

شخصية بالكون مثل الهلالي





حق الله انه ما حصل منه تقصير
كمل حقوق الشعب في كل حالي





صقر الصقور معطفات المناقير

وليا ضرب بالكف صيده كتالي





صقر السعد في عاليات السوابير

صقراً ولد حرا وصيده جلالي





عاهل حنون ولا اشغلته الدنانير
وزع رصيده لليتامى الجهالي





هو درعنا لا صار حر ومعاصير

شعلة قمرنا لا اظلمن الليالي





ملك حنون وعاطفي المشاعير

مساوياً شعبه بحكم العدالي





حبك رسخ بالقلب فوق المعايير

يا شوفتك بالعين هو راس مالي





جلستك وسط الشعب زهور ونواوير

واكبر فراحة لما اشوفك قبالي





تحفظ ملكنا من حسد كل شرير

دون الملك والدار كل العيالي





هذا الملك بالخير بشر تباشير

شخصية ما هي بكل الرجالي





هذا كلام الصدق ما هي تزاوير

صقر عزوم ولا يصيد الهزالي





خلو جنود الحوث مثل العصافير

من الجبل للقاع وسط الرمالي





هاجت عليهم مدرعات الجنازير

خلو عدو الدين باخس حالي

الله يعافيك على القصيده وصح لسانك
ننتظرمنك المزيد من التقدم
تحياتي لك

صـح لسسآن شآعرهآ مليون
والله يحفظ لنآ أبو متعب

سلمت يمنآكـ

تحيآتي

صح لسانك ........
كتبت فأبدعت
تقبل مروري

صح لسااااان شاعرها مليون
ويستاااهل ابو متعب
ومشكور على النقل ياخوي

صح لسان الشاعر الشيخ عايد بن فهد العنمي قصيده جزله وابيات رائعه في من يستحقها ومشكور اخوي ليل القوافي على الطرح الاكثر من رائع
وربي يطول بعمر ابو متعب
ودي وتقديري