==================================================

أن زان لك وقتك تخير بالأصحاب=== وان شان وقتك كلهم مايبونك

أن جيتهم قامو يحدّون الأنياب ===وان رحت عنهم بالقفا يشذبونك

لا..دبّرت دنياك والحظّ ماطاب ====الناس لا..من طحت مايرحمونك

أهل السيوف اللي يقصّون الأرقاب=== أمّا كفاهم واقعك يظلمونك

لا..تامن العقرب ولاتامن الداب ===السمّ واحد لا..رقا في متونك

ياجاهل الدنيا ودورات الأسباب=== أعرف ترى من خان غيرك يخونك

لو كان لك ربع(ن) موالين واحباب=== لابدّهم عقب الغلا ينكرونك

وقت(ن) يشيّب بالمخاليق ماشاب ===أسأل رجال(ن) جرّبو يخبرونك

واحذر تخاوي كل هافي وكذّاب=== أهل الردى بطبوعهم يطبعونك

أرفع مقامك عن رديين الأ نساب=== لو شفتهم في حضرتك يمدحونك

فارق ثراهم وارق في راس مرقاب=== أبعد عن اللي لونهم غير لونك

خلاّن مال ومالهم ربع واقراب ===لاقلّ مالك عدّهم يكرهونك

أعتاض فيهم من طويلين الأشناب=== اللي الى مال الدهر ينفعونك

لاصكتك دنياك وافترّ دولاب ===بانت مواقفهم ولا يرخصونك

هذا رفيقك من قريبين واجناب=== ذخرك وهم في واجبك يذخرونك

عندك قريبين (ن) ولو قلت غيّاب=== على صدى صوت الندى ياصلونك

ياللي سمعت العلم لاتفتح الباب ===لاتنحشر في شي ماهوب شونك

ربعك ألى من شفتهم صارو احزاب=== وتشاورو بالراي والعلم دونك

لاتبدي برايك عليهم ولو صاب ===لو صحت باعلى الصوت مايسمعونك

ومن لاحسبّلك لاتسوي له حساب=== لو كان يسوى وحدة(ن) من عيونك

الله .. الله


قصيـده جميلــه وأختيآر موفق ..!


صح ألسـآن شــآعـرهــآ .. ولآ هنتـ ..,,’’


وودي

ومن لاحسبّلك لاتسوي له حساب=== لو كان يسوى وحدة(ن) من عيونك

صح لسآن شاعرها وسلمت يمناكـ ع نقلهاا
دائـمـــآ مبدع بإختياركـ

يسلمكم ربي على مروركم العطر
لاهنتم

كلمات رائعةراق لي كثيرا
اسجل اعجابي بما ورد في السطور
دمت لنا ودام روعةكلماتك

ومن لاحسبّلك لاتسوي له حساب=== لو كان يسوى وحدة(ن) من عيونك


فعلا كلمات تستحق عليها الشكر

لك تقديري واحترامييييييييييييييييييييييييييييييييييييييي