السلام عليكم .......... يشرفني تواجدي معكم

اتمنا من هواجيس شاعر يعطينا القصيده هذي لاهنت هواجيس مطلوبه


الجفول اللـي علـى حيانهـا محـدن غصبهـا
مـر تقلبهـا مـزوح ومـر تقلبهـا دعـاوي

عيطموس ٍ أيـة ٍ للحسـن فـالأرض ونسبهـا
بنت شيخ ٍ ينحسب ماهوب من عرض الشواوي


مطلوبه يا هواجيس شاعر

حياك الله احبه بسكات ان شاء الله تنزل


اخوك\هواجيس شاعر

الجفـول اللـي علـى حيانهـا محـدن غصبهـا
مـر تقلبهـا مـزوح ومـر تقلبـهـا دعــاوي
عيطمـوس ٍ أيـة ٍ للحسـن فـالأرض ونسبهـا
بنت شيخ ٍ ينحسب ماهوب من عرض الشـواوي
الأمـل فـي مطلـق التفكيـر لعبـه مـن لعبهـا
والهقـاوي والرجـاوي والدعـاوي والمـنـاوي
لو درت وش كثر ماغليها ووش كثـر احتسبهـا
كان ما قفت وانا مالـي عـن ارضاهـا غنـاوي
الفـؤاد فوادهـا لـن ماعجبـهـا وأن عجبـهـا
والجروح اجروحهـا والطـب سلطـان المـداوي
والعيون اللـي مـن اللهفـه يشاغبنـي هدبهـا
تذكر اعيـون المهـاه وتذكـر اعيـون النـداوي
والحواجـب دقـة الملـي متـر منهـا كسبـهـا
كنها شمسـة سواعيـه علـى بشتـن حسـاوي
ثغرهـا مـن خدهـا يغتـار ويبايـح حسبـهـا
في ثغرهـا الجمـر والرمـان والثلـج امتهـاوي
نحرهـا تفاحتينـه خاشـراتـن فــي عنبـهـا
بينهن عـرق ٍ كريـم وبينهـن عـرق ٍ جفـاوي
جادل ٍ شـارد نشاشـة سـاق زملوقـه اركبهـا
ظامرة سرجوف ملهوفـة حشـى والعـود راوي
الرغـد يغـدق علـى مياسهـا سنـدس تربهـا
مسك ٍ ابيض وان عطفت الها (مكاسر عود جاوي)
من سببهـا ماحـدن مرتـاح كلـه مـن سببهـا
تشتل القلب المريـح وتشقـي القلـب الشقـاوي
الله يبايـح رضـى شعبـان ويسـلـم رجبـهـا
بيني وبين الثنين مـن الشهـور الذيـب عـاوي
يوم حر الصيـف يبعدهـا وياخـذ مـن نصبهـا
ماتحلويـت المنـام اللـي تحـلـواه العـبـاوي
الله اللـي خصهـا بالحـب عـن باقـي عربهـا
والله اللـي خصنـي معهـا ببعضـات الدعـاوي


ماهي قلطة على الغالي هواجيس شاعر
لكن احبيت البيها واستسمحة العذر
تحياتي لك

اخوي صقر جهني يعطيك العافيه ما قصرت سلمت يدك لاهنت

شكرا لكم على الابداع
ما قصرتووووو