قصيدة للشاعر عوض احمد الخيبري

تحكي معانته وعجزه عن استخراج تأشيرة عامل مزرعه

ويطلب فيها المساعده


يابو علي لي ذاهبه راحت العام

من جو خيبر ناديه للمدينــــــــــه

اقفت تعط ضراسها تـــرزم ارزام

يفز قلبي كل ما اذكر حنينــــــــــه

راحت تخم الدو غاره ودرهــــــام

لما استوى سهل الوطا مع بطينه

راحت معشر يوم راحت به اتوام

مجودين ضرابها وحاسبينه

لعل ماتاطين في دربك انعام

روحي بامان الله لديار الاكرام

ودي سلامي كل من تدهجينه

لعل ماتاطين في دربك انعام

عسى الحيا في كل جو تجينه

عند الزراعه قيدت قيد وخزام

ومزاعها من عندهم خابرينه

عند العمل متوهنه تسعة اعوام

صامت عليها الارض طيلة سنينه

تبي محنك بالقصاصه له المام

يقص اثرها لين يبحث كنينه

يرقب وينشد ويتعرض للاقوم

ويصبر على الخليان والله يعينه

رجل فداوي صايب الراي جزام

مثل الاسد لاوزى في عرينه

يشدا قطامي على ماكره حام

لاطالع الصيدات مايدير عينه

ماهو سواة اللي عن الذاهبه نام

عن النخاوي حط باذنيه طينه

مايوحي الامايجره للاثام

ونفسه على الشينات دايم تهينه

ثارت ولا ادري كيف اكزه لقدام

حيث ان ولدها عندهم رابطينه

كيف العمل في ربعة كلها اخصام

قامت تساومنا وتاخذ رهينه

خذوا ولدهاقبل ما يجيله فطام

صكوا عليه وواهسه نازعينه

ماخوفي الا كان وخذت بالاوهام

من يوم ولدت وسمها واسمينه

يالله عساها ماتوجه الى الشام

والاتولي يم سلوى ولينه

عسى محاريها على القنصل العام

اما بكلام نفهمه او رطينه


الشاعر: عوض احمد غصيبه الخيبري