لا أستطيع الخوض في وصف أو حتى مدح هذه الأبيات لأن الكلام يعجز والفصاحه تنتهي الى حد النظر في هذه القصيدهـ .. اليكم رائعة شاعرنا بخيت العنيني ..

ويقول فيها المميز أبو زياد ..


لهى غصن الشجر يلعب مع رياح الجهات ومال=مع أوراق الذبول اللي تساقط من غصون التيه
ومع هذا الغروب اللي نزح في عتمة الرجال=سألت وقلت ياشمس الحقيقة ماطلعتي ليه
هو الوجه استحال النور من وجه الغريب ونال=جهل بعض الرموز اللي كتبه الحلم في ماضيه
او الخفيه جنون الخوف والجبهة عيون قتال=او التفكير من مبدأ خطأ والسالفة تشبيه
رقا فينا التعب لأخر سقوفه وأنكسر همال=وسال من المطر جفن السحابة وانحدر واديه
هنا ضحكة بحر يغرق يباس وصورته تمثال=هنا صحراء جفاها الما سنين وحلمها تسقيه
هنا يلتم جرح وجرح يبرى من وجعنا هبال=هنا سجن وعصا ظلم ومنام من التعب نصحيه
هنا حيطة حذر تسموا تمل وجردتنا أزوال=هنا مابلل أطراف القصيد الا فكرراعيه
وقلبت الحنايا أوراق واستهواني الترحال=ابستوقد دفا برد الحناجر واطعنه واعميه
نعم هو حالنا جوهر هدفهم والعلوم طوال=وغرب همومنا يشرق يقول الأمركة تنفيه
لهذا الحد ننسى أصواتهم ياليلنا الجمال=نصفق للطرب بالحرب والضافي لهم نرويه
ابد ماحل غير اللي بقى ياصوتي ولا طال=سوى موعد حدث كذاب من روح الصور وأخفيه
عرفنا ماخفى من علمهم واستو رقتنا أحوال=صمود الموقف الباهت وغصن اللوز من يجنيه
ربيعك يالسنين اجدب وهجس عقولنا التسأل=متى ياموقد الكوب الفتيلة والزناد يديه
متى هي سيرتك يالشرق لامهرة ولاخيال=متى نفنى بقايا الذل وتشع الصلاة وجيه

أتمنى أن أكون وفقت في نقل هذه الرائعه لكم .. والقادم أجمل في حظور أخونا أبو زياد ..

نقلها لكم وبكل فخر ..

سامر علي العنيني

سامر العنيني

اوعدت واوفيت بان تنقل الروائع الشعريه لبخيت العنيني نعم رائعه بحجم شاعر المدينه


كل الود

تسلم ياسعد مرورك شرف للموضوع ..

دمت بود ..

يعطيـــــك العافيه يالغالي نقل في قمة التميز

صح نقلك ومنقـــولك

تقبل مروري تحياتي لكـ

متى هي سيرتـك يالشـرق لامهـرة ولاخيـال
متى نفنى بقايـا الـذل وتشـع الصـلاة وجيـه


سلمت يد الناقل ولسان القائل .


تقبل خالص الشكر وأكيد التقدير

مشكوووووووووووور

تشكرون على مروركم الرائع على القصيده ...

دمتم بود ومحبه ...