قلم بلا قيود
01-11-2008, 05:01 AM
يــامـن لـقـلـب ٍ كـل هم ٍ يمسـه ::: مـس الـحبال مهاوزات الأظـــلــه
ولي عجوزٍ كل حين ٍ تعسـه ::: حـتـى سـفـيـه الـعـرب جـايـز ٍ لــه
طس السبيل من اصفر اللون طسه ::: الشاوري يجلي عن القلب عله
من كيـس قرمٍ دايم ٍ مايدســه ::: تـلـقـاه مـقـروط ٍ عـلـى جـال دلـه
لاشفت ظول الناس بالك تعسه ::: لاجنـبـك شـر المخاليـق خـلـه؟
لو عندنا من غيب الايام رسه ::: الآدمي مـصـلـوح نـفـسـه يدلـه
يالله ياللي كل صوتٍ تحسه ::: عقد الـبـلـش غير انـت محدٍ يحـله
تفرج لمن مثلي زمانه يرسه ::: علـيـه من بعض الـمعاني مـمـلـه
عليه من بعض المعاني محسه ::: ساعة خرج من عـلـة ٍ جـاه عله
البوم يفرس والفهد صار بسه ::: تـبـدلـت دنـيــــــــاك يافـطـن ٍ لـه
سبع الخلا كيف الضواين تنسه ::: والصلح من راع الغنم ماحصل له
الـقبس يورد والظوامي تلسه ::: والمـزن عطشان والوطـى مايـبله
لاصار عن حقك سلاحك تدسه ::: ماينقعد لك في حضون الـمـذلـه ..!!
قصتها على حسب ما اسمع ان الشاعر هذا قتل واحد من ابناء عشيرته وجلاء عن ديرته ومعني جلى اي هاجر عنها الى ديره ثانيه وبعد عشر سنوات او اكثر ارسلوا عليه ان ابناء عشيرته وبشروه ان اهل القتيل متنازلين ولايبون منه شي او انهم قابيلن الديه المهم شال عفشه الرجال وجاء راجع لقبيلتة وهو ماشي بالطريق ويوم اقبل على عشيرته شاف له ناس او ضول على قولتهم ومر عليهم اثاري بينهم مشكله والا واحد منهم دخل عليه وقاله ا انا بوجهك فكني من هذولا قال ابشر ويوم وصولوا اللي يبون الرجال قالهم يارجال هذا الرجال دخل بوجهي واللي تبونه منه انا حاظر الا هم ماردو عليه ولاسمعوا كلامه وراحوا يم الدخيل وهو اللي يسحب سلاحه عليهم ويذبحهم كلهم ويرجع لنفس المكان اللي جاء منه وهذا معنى البيت اللي يقول
لاشفت ظول الناس بالك تعسه ::: لاجنـبـك شـر المخاليـق خـلـه؟
وسلامتكم
م ن ق و ل
ولي عجوزٍ كل حين ٍ تعسـه ::: حـتـى سـفـيـه الـعـرب جـايـز ٍ لــه
طس السبيل من اصفر اللون طسه ::: الشاوري يجلي عن القلب عله
من كيـس قرمٍ دايم ٍ مايدســه ::: تـلـقـاه مـقـروط ٍ عـلـى جـال دلـه
لاشفت ظول الناس بالك تعسه ::: لاجنـبـك شـر المخاليـق خـلـه؟
لو عندنا من غيب الايام رسه ::: الآدمي مـصـلـوح نـفـسـه يدلـه
يالله ياللي كل صوتٍ تحسه ::: عقد الـبـلـش غير انـت محدٍ يحـله
تفرج لمن مثلي زمانه يرسه ::: علـيـه من بعض الـمعاني مـمـلـه
عليه من بعض المعاني محسه ::: ساعة خرج من عـلـة ٍ جـاه عله
البوم يفرس والفهد صار بسه ::: تـبـدلـت دنـيــــــــاك يافـطـن ٍ لـه
سبع الخلا كيف الضواين تنسه ::: والصلح من راع الغنم ماحصل له
الـقبس يورد والظوامي تلسه ::: والمـزن عطشان والوطـى مايـبله
لاصار عن حقك سلاحك تدسه ::: ماينقعد لك في حضون الـمـذلـه ..!!
قصتها على حسب ما اسمع ان الشاعر هذا قتل واحد من ابناء عشيرته وجلاء عن ديرته ومعني جلى اي هاجر عنها الى ديره ثانيه وبعد عشر سنوات او اكثر ارسلوا عليه ان ابناء عشيرته وبشروه ان اهل القتيل متنازلين ولايبون منه شي او انهم قابيلن الديه المهم شال عفشه الرجال وجاء راجع لقبيلتة وهو ماشي بالطريق ويوم اقبل على عشيرته شاف له ناس او ضول على قولتهم ومر عليهم اثاري بينهم مشكله والا واحد منهم دخل عليه وقاله ا انا بوجهك فكني من هذولا قال ابشر ويوم وصولوا اللي يبون الرجال قالهم يارجال هذا الرجال دخل بوجهي واللي تبونه منه انا حاظر الا هم ماردو عليه ولاسمعوا كلامه وراحوا يم الدخيل وهو اللي يسحب سلاحه عليهم ويذبحهم كلهم ويرجع لنفس المكان اللي جاء منه وهذا معنى البيت اللي يقول
لاشفت ظول الناس بالك تعسه ::: لاجنـبـك شـر المخاليـق خـلـه؟
وسلامتكم
م ن ق و ل