هذه القصيده لقد اعجبتني كثيراً وحبيت أنقلها لكم
أن شاء الله تنال استحسانكم !!




سلام يـاداراً سقـى الله نفودهـا
من مزنةٍ غرّا تقافـت رعودهـا
تبكي ليا ضمّـت عوالـي جبالهـا
ويسيل واديها ويخضـرّ عودهـا
داراً مرابعها نِسَـت وابـل الحيـا
وجاها من صروف الدهر مايكودها
بلاقعٍ قُفـرٍ صحاصيـح ممحلـه
جفّت مراويها وحالـوا ورودهـا
غير المنازل دارساتـاً رسومهـا
بارضٍ خلا مافيـه حيّـاً يرودهـا
مرّيتها عَجـلاً وهلّيـت عبرتـي
وانا اتذكّر مامضى من سعودهـا
يادار وين اللـي تعَرفيـن وينهـم
ربعاً حضن طاهر ترابك جدودهـا
مدري نسوا يادار من بعد مانتحوا
ولاّ حنين قلوبهـم لـك يقودهـا
ولاّ قسوا يـادار مقسـى قلوبهـم
حتى نهار العيـد محـداً يعودهـا
دار الشرف والعز والمجد والفخـر
هذي مداهلهـا وهـذي حدودهـا
من ضاس الى وادي عباثر خيامهم
والضّلع ابو قَدّوم فيهـا عمودهـا
واطنابها بأيـلات وبـواط دونهـم
ونيرانهم بعريق مرشـد وقودهـا
والصيف فالبثنه منازل حضورهـم
لاجيتها ابكـي واتوجّـد وجودهـا
كم عاش فيها من عزيزاً جوارهم
اجواد يرجي الجود مدّات جودهـا
اماجـد قرومـاً صناديـد باللقـا
تلوذ بحماهـم ضـواري فهودهـا
على الوفا والعزّ والطيـب والثنـا
شادوا جبال امجاد صعباً سنودهـا
ياطيب ذكراهم وياطيـب ذكرهـم
ربعاً دعايم عزّنـا فـي خلودهـا
انسابهم ساسـاً معـرّب قبايلـه
من نسل قحطاناً تفـرّع بدودهـا
ساساً مثل رضوى جذوره وقمّتـه
بارض الجزيره من بداية عهودها
على مدى التاريخ شامخ بهامتـه
ماهمّه دهـوره وهبّـات نودهـا
مضرِب مثل حسّان لافاخر العـرب
بالشعر في عزّ وكرامه يسودهـا
والعيص عزّ المسلمين وملاذهـم
قدّام لاهل الشرك تنقض عهودهـا
ديار عزّ ابو بصير احتمـى بهـا
برايات الاسلام السّرايـا يقودهـا
وينبع قراياها بها احفـاد إمامنـا
علي واساميهم عليهـا شهودهـا
وفيها رجال ابن الوليد احتزم بهـم
في فتح مكّه يوم تُحشد حشودهـا
ولاخاب للإسلام جيشـاً بمعركـه
فيها صحابه من جهينـه جنودهـا
ياالله هذي دارهـم مسّهـا الفنـا
واستبدلت هون الليالـي بكودهـا
تذرف عليها دموع مشفق يحبّهـا
ويبكي عليها اليوم حتى حسودهـا
طال الدهر واخفى معالم عيونهـا
وسدّت مراويها عليهـا سدودهـا
خيوفها قيعـان واعجـاز خاويـه
جفّت منابعها وصافـي عدودهـا
ياالله تسقيهـا وتِحيـي رياضهـا
وتسيل من ضلعان رضوى نفودها

يعطيك العافيه على النقل الاكثر من رائع

يعطيك العافيه اخوي عز وشموخ

قصيدهـ رائعه صح لسان شاعرها وتسلم يمناك يالغالي

بيض الله وجهك

تقبل مروري تحيـــــــــاتي لكـ

تسلم أخوي عز وشموخ على النقل الأكثر من رائع ..

دمت بود بالنشمي ..

قصيد جميله


تدل على الذوق الشعري المميز

يعطيك العافيه

عز وشموخ

مشكور يالعز على هذا النقل الاكثر من رائع
وصح لسان قايلها وسلمت يمينك ياذيبان
تقبل مروري