الساطي
08-06-2008, 03:45 AM
:32:سلام يامنتدى الكتــاب @@ الي تزاخر بكتابه
حنا سمعنا من الاصحاب @@كلام محسوب بحسابه
قلنا نجي نفتح الابواب @@ونشوف وش قالو اصحابه
مابين مزح وهجر وعتاب@@وبين الخطا كيف نرضابه
بعيد المدى
08-06-2008, 04:09 AM
يا مرحبا نكثر الترحاب=والكيف له ناس صبابه
حيّاك يا صاحب العناب=الله ايبارك بمن جابه
مابه خطا والنفوس طياب=من بادل الطيب يحظابه
يوسف العنيني
08-06-2008, 04:38 AM
حياك الله اخوي الساطي ... وصح لسانك ...
وبارك الله في من عرفنا على الطيبين شرواك ...
وصح لسانكـ أخوي بعيد المدى ...
وننتظر إبداع الجميع هنا ..
الساطي
08-06-2008, 08:36 AM
ياشباب قولو لااله الا الله وش ذا الهجوم الله يهديكم لا مايصير انا ماجيت عشان افتح باب المخانق بينكم تعوذو من ابليس توني جيت ابكسره وبشوف العلوم الا وانتم كل واحد حطها حجه بحاجه وقام يميل على خويه الله يعطيكم العافيه
لاكن هدو العب شوي
الساطي
08-06-2008, 04:41 PM
يابعيد المدى الدنيا بخير وانا اخوك ولابد قسي الزمان ايلين
سامر العنيني
08-06-2008, 10:34 PM
حيآك وبيآك في محلك أخوي السآطي ولآهو غريب نشوف منك الإبدآع مع أول كسره للشعر والشعر أنتم أهله وأنت من كبآر شعرآء الكسره وتمنيت منذ بدآية هذا الصرح توآجدك وبآرك الله في بعيد المدى على دعوته وحيآك وبيآك .
والمقفي عن الضيف عز الله حصل فآله وسلم بعيد المدى ,
وننتظر إبدآعك يالسآطي .
قناص الشمال
08-07-2008, 04:27 AM
:55:مرحبا با الشعار الف ترحيب
انتضرو جديد( زعيم الشمال ) تحياتي
الساطي
08-07-2008, 11:03 AM
قناص الشمال الله يعطيك العافيه ولك الشكر على مرورك
لاكن لاتشب النار الله يرحم والديك ومالك ومال الكلام الي ما يودي ولا يجيب الله لا يهينك
والله يديمك سالم انشالله
بعيد المدى
08-10-2008, 09:38 AM
الأخ قنّاص الشمال الترحيب بالضيف ما فيه لف ودوران ..
اللف والدوران لا قفيت عن ضيفك !
عمومًا اللي فات مات ..
قنّاص الشمال الحقيقه أسعدني تواجدك أنت والساطي في هذا المنتدى لأنكم شعراء كسرة كبار وما على راعي الكحيلة والحنشل زود ..
تحياتي للجميع !