جتني " خفيفة ظل " مع باهي ألـون && ترشف زهر قلبي وتحقـن هواهـا

مثل الفراشة ل أدخلت وسط بستـان &&وتمايلت كـل الغصـون برضــــــاهـا

ترجي مطاهـا بيـن وردٍ وريحـان && واللـي تغنـج ..غيرهـــــــــــا ماوطاهـا

إستوطنت ياكيف سوت لهـا شـان && فبلاد ماأذكـر غيرهـا قـــــــــد غزاهـا

وتوغلت في داخلي هـزت أركـان && ماتهزها عـذراء ولا أحـدٍ قواهــــــــا

قامت تمشى داخل القلب من شـان && تعـرف أراضيهـا وتعــــــلـن حماهـا

للمملكـة اللـي مابهـا أي إنسـان && هي واثقة من نفسهـا أو حلاهـــــــــا ؟

أو طهرها اللي صار للطهر عنـوان && او حكمة المنطـق بمنطـق شفاهـا

الله أعلم ..! لكـن القلـب هيمـان && صكت عليه بما ذكـر مـع وفاهـــــــــا

ماعاد فيها طـب قـد كـان ماكـان && واللـي بلانـي بحبهـا قـد بلاهــــــــــــــا

نالت رحيق العشق من قلب عطشان && اللي رفض يعطيـه لأحـدٍ سواهـا

وأسقت ضماه بحب مع شعر وألحان && تطرب لها الأشجان حـزت لقاهـا

وأهدت ضما ثاني ..! ليا كنت ولهان && أروى بلحظة شوفهـا ... ياقساهـا

وأنـا هـواوي ماتعـودت حرمـان && حيث إني أول مرة أعشـق معاهــــــــــا

لو ماني خابرها تجرعت الأحـزان && وأصبحت شارد فكر وأركض وراها

وأدري بناصر صدق من غير بهتان && لـو كـل يـوم يشوفهـا مارواهـــــــا

المشكلة دايم أفكـر .. وإلـى الأن && ودي بكلمـة تقيـس فينـي غلاهــــــــــا

كيف دخلتني سلم من غيـر عـدوان && وكيف أشعلت نار الوله من سماهـا

سؤال سطرته على منطـق الجـان && وأدري الإجابـة ماتعـدت مـــــــــداهـا

والشاهد الله مالهـا مثـل ياخـوان && وإني حقيقة ماأسـوى شـيٍ بلاهـــــا

تبقى خفيفة ظل مـع باهـي ألـوان && ترشف زهر قلبي وأنا فـي حمــــاهـا


منقول قصيدة الشاعر ناصر الذبياني

يعطيك الف عافيه على النقل المميز

صح لسان الشاعر ناصر الذبياني

وتسلم على النقل يازفير الناي

قصيده في قمة الرووووووعه

تقبل مروري ولك احتراااااامي

يعطيك الف عافيه على النقل المميز

يعطيك العافيه زفير الناي


صح لسان الشاعر ناصر الذبياني وتسلم يمناك يالغالي


تقبل مروري دمت بود

صح لسان شاعرها نقل رائع زفير الناي تقبل مروري

صح لسان الشاعر ..............وشكراً على ما نقلت

اشكر الجميع على المرور