العنمي
مرحبا في حلة العيد واليوم السعيد = في حِلالٍ طيبه والسعد يبرى لها
يا السحيمي قوم والليله المسرى بعيد = ودنا نغزي جنوب الدِّيَر وشمالها
السحيمي
مرحبا والعيد بادي من جديد = شوفة الأحباب شرواك عيد لحالها
العرب قالولي إنك تفيد وتستفيد = علم أصحابك عساها تطوِّل بالها

العنمي
يا السحيمي قوم والله يدبر ما يريد = نيتك يا صاحبي لا تشين أعمالها
قالوا إنك راعي الفعل والقلب الحديد = والهوى طير عمامتك هي وعقالها

السحيمي
يا سعد حمدان طالبك هارون الرشيد = لا تمرك هرجة القوم ما تصحى لها
العرب صلوا جماعه ما غبر إنته وحيد = جالسٍ في شجرةٍ ما يطول ظلالها

العنمي
خذ هارون بيدك يا راعي الرأي السديد = وإنت راعي صورةٍ طايحٍ تمثالها
البنوك ابها الذهب وإنت بنك بلا رصيد = خل عنك الناس يا صاحبي بأحوالها

السحيمي
إنت فيك العلة اللي يصيبن العبيد= روح للجهنان قول السحيمي قالها
إن بغينا نبعد الذيب عن حلق الهريد = قالوا أهل العرف من طشها يشتالها

محاوره شعريه جميله بين شاعريين كبييرين
امتعتنابما نقلت اخوي فهد العنمي
تقبل فائق احترامي وتقديري

محاورة قوية بين الشاعرين : سعد حمدان العنمي وراشد السحيمي ..
محاورة رائعة بين شاعرين علمين .. تقبل مروري أخوي فهد العنمي

بيض الله وجهك أخوي فهد على نقل هذه المحاوره الرائعه وصح لسان الشاعرين العلمين سعد حمدان العنمي وراشد السحيمي ,,

سلمت يمينك على المجهود الذي قمت به ,,

وننتظر جديدكـ ,,

خالص الود

محاوره شعريه جميله بين شاعريين كبييرين
امتعتنابما نقلت اخوي فهد العنمي
تقبل فائق احترامي وتقديري