نام الحضور ومن غيابـي تعالـه=لقيا تموت وتحيي الروح فرقاك
ياصمت لو ينطـق تلعثـم حوالـه=ان قلت ليه أقول هـذي سوايـاك
انشد بلاغة هـالحزن وارتحالـه=تخبرك عن ظلمك لقبي وجفواك
هذا الزمن فـي ميلتـه واعتدالـه=يرسم على وجه الدفاتـر محيـاك
وان جادلتـك عقولهـم بالجهالـه=افتح لباب الليـل بالعصـر شبـاك
ياوجه مل من الترف مابقـى لـه=ملامحك طيب وطرفهـم زوايـاك
عذبت حالك وأصدق القول داله=غطرستهم حلم وتعروا مزايـاك
يابلشـة أفـواه ألحكـي وأغتيالـه=عكس ألوفا غدر يتحلى مرايـاك
مد الصبـاح النـور والليـل زالـه=لمك زهور من الشتات وتعـراك
يامـن حرامـه يتفـق مـع حـلالـه=جمعهم بقلب الصحاري وتقداك
اتبع وجعهم والرجوع استحالـه=وأقرأ الوجيـه بهمهـا واتحـراك
يكفـي تعـب قلبـي تيتمـك حـالـه=واشعل قناديـل المواعيـد لقيـاك
هـذا غــرورك والمعـانـد دلالــه=واجلس بظل البـرد دور وتلقـاك
اللـي تعـلـم مـنـك يكـتـب مقـالـه=حدك على درب المـوده وعـداك
مصيبـتـك طـيـب لـحـد الثمـالـه=مشكلتك انك عنصري جدا هناك
تدري بـلاش اقـول خـل النذالـه=اقول لـك لابـاس والنـذل يفـداك

رحمك الله يابخيت