المهره اللي عرضت للرجاجيل
يابخت منهو يالنشاما عسفها


خيالها يوم العنا والغرابيل
يمسح نحرها قبل يلكد طرفها


في وصفها غنت جميع المواويل
والشاعر اللي في قصيده وصفها


عمر وصفها مثل وصف الهماليل
اللي تلوح بروقها من شغفها


اليا هذبت شفت التعاسه على الخيل
تطوي مسافات الخلا من ترفها


عليا سبيب يغار من وصفه الليل
إيذوب بين احضانها وبكنفها


واليا اخبطت امن العرق ميه النيل
جاها كحيلان الخيول وغرفها


الراس كنه شعلتن وسط قنديل
والمنخر الواسع دلايل سلفها


وعيونها تلمع مثل لمعه سهيل
واذانها سبحان منهو نصفها


والظهر كنه وادين جارفه سيل
وشيليلها يومي على من جرفها


بالكيلو تسابق مع الريح والميل
نوبٍ تخطف الريح ونوبٍ خطفها


تمشي اللدوح ومشيها طيح الحيل
والله واكبر للعيون وجحفها


ماترتع الا في كبار المداهيل
في روضتن خظرا مولي سعفها


مرباعها عند النشاما الحلاحيل
عيال ابن راشد مزبن شرفها


حمدانها يوم الوغى طلع دربيل
بظهر الكحيله والبنادق ردفها


واحمد ليا منه ثقل تالي الشيل
مثل القطن حمل الصعايب ندفها


عيال الزعيم اللي حرث جمه الجيل
محمد بن راشد ونعم لخلفها


راع الكفوف مكللات الاكاليل
عينه على دمع اليتيمه ذرفها


يمناه ماشحت فيوم البهاذيل
يمناه في يوم المصايب سرفها


وقصيدتي ماهي بحاجه لتحليل
مانشيتها واضح وكلن عرفها


عن مهرتن تسوى العيون المظاليل
والله نكرها اشهد انه لقفها


ياليتها عندي وادوج بزعبيل
وهي تحمل كل شخصن كرفها


بس الفقر خله جميع الولاويل
تظرب على راسي وزود علفها

صح لسان قايلها..................... وتسلم يمينك يالذيب

اختيار للقصيده ولا اروع .............يدل على ذائقه شعريه رائعه


ودي وتقديري

صح لسان قايلها وسلمت يمين ناقلها
لاهنت يالذيب على هذا النقل الأكثر من رائع

صح لسان قايلها وسلمت يمين ناقلها

صح لسان قايلها وسلمت يمين ناقلها

توصيف جميل وابيات رائعه

حــياك الله اخــوي خـيّـال

صــح لـسان قـايـلها وسـلمـت يـمناك عـلى هـذا الـنقـل الـرائـع


((تـحـياتـي))

تسلم يمينك ابيات رائعه يعطيك العافيه