بضم صدرك لين تصبح على خير

--------------------------------------------------------------------------------

افتح شبابيك الهوى جيتك اليوم == بحساس من زود الوله عده ايطير

جيتك مثل طفلن له ايام محروم==== عن حضن امه بعدته المقادير

وجيتك مثل عودن له ايام مهموم==== وده يلاقي باخر الوقت تقدير

وجيتك حضن عاشق وهايم ومغروم== وده يضمك لين تصبح على خير

متى تحس ان الهوى شي مقسوم=== من قسمة الخالق على خلقه يصير

ومتى تحس اني لك اطيح واقوم==== واتعب على شانك واقدرك وآغير

لي في هواك احلام وامال وعلوم=== واحزاب واصحاب وقصيد وجماهير

وهموم وافكار وهواجيس وحلوم ==== وادروب واخطار وعذاب ومشاوير

وحب وغلا واخلاص ومعاند ولوم ==== واحساس واللهام وشعور وتفاكير

وصحبة سهر ومقاطعة لذة النوم====== واشواق جياشه وعشق وتعابير

في ذمتك مابان لك شي مكتوم ===== من بعد ماصورت الاوضاع تصوير

لاتحسب انك شي عابر ومعدوم ======= وتاريخ حبك فاق كل الاساطير

كني لقيتك بأغنيه لأم كلثوم ===== وكني قريتك في رواية شكسبير

في كل شي اتخيلك واسمعك دوم==== واتأملك في الوقت الأول ولآخير

من ماضي الأيام لايومك اليوم ==== وغلاك عندي ماحصل فيه تغيير

وانا لك الله مأقبل البيع والسوم ==== ولا ارضى علي ولاعليك المخاسير

لاْني الوحيد اللي على بحرك يعوم ==== واللي عرف مرساه في رحلة السير

لحظه حبيبي قبل يسبقني النوم ==== بضم صدرك لين تصبح على خير






م/ابو شادي

لاْني الوحيد اللي على بحرك يعوم === واللي عرف مرساه في رحلة السير

لحظه حبيبي قبل يسبقني النوم ==== بضم صدرك لين تصبح على خير

قصيده بقمة الروعه والله يعطيك العافيه
تحياتي

من ماضي الأيام لايومك اليوم ==== وغلاك عندي ماحصل فيه تغيير

وانا لك الله مأقبل البيع والسوم ==== ولا ارضى علي ولاعليك المخاسير



صح لسانك يالشاعر المبدع

قصيده رائـــــــعه

الي الامــــــــــام

تقبل مروري تحيـــــــــاتي لكـ

كني لقيتك بغنيه لم كلثوم *** وكني قريتك في رواية شكسبير

اروع من اني اعلق علي هذه الجماليات

تشرفت بمرور الجميع

ابو شادي
صح لسانك يا الذيب
لاهنت طبت وطاب ما كتبت

يعطيك العافيه

علي المرور

صح لسانك




في ذمتك مابان لك شي مكتوم ===== من بعد ماصورت الاوضاع تصوير

راعى الكحيله

كم انا سعيد بمرورك