شخص يرثي نفسه اتمنى ان تنال اعجابكم ونسال الله العلي القديران يحسن خواتمنا


جاني وانا في وسط ربعي وناسي " " جاني نشلني مثل ما ينشل النـــاس

مني نشل روح تشيل المآســـــــي " " تشكي من ايام الشقى تشكي اليـاس

ا ثر الالم في سكره المـــوت قاسي " " ماهالني مثله وانا انسان حـــساس

جابوا كفن ابيض مقاسه مقاســــي " " ولفوا به الجسم المحنط مع الـراس

وشالوني اربع بالنعش ومتواســي " " عليه ومغطى على جسمي البـــاس

وصلوا علي وكلــــــهم في مــآسي " " ربعي ومعهم ناس من كل الاجناس

ياكيف سوا عقبنا تاج راســــــــي " " وامي الحبيبه وش سوى بها الياس

اسمع صدى صوت يهز الرواسي " " قولولها لاتطـــلــم الخــد يانـــــاس

قولولها حق وتجرعت كاســـــــي " " لاتحترق كل يبي يجرع الكـــــاس

اصبحت في قبري ولابه مواسي " " واسمع قريع نعولهم يوم تـــــنداس

من يوم قــــــفوا حل موثق لباسي" " وعلى رد الروح صوت بالاجراس

هـيكل غريب وقال ليه التــــــناسي" " صوته رهيب وخلفه اثنين حـــراس

وقف وقال ان كنــت يانـمر نـاسي " " هاذي هي اعمالك تقدم بكـــــراس

ومن هول ماشفته وقف شعر راسـي " " وانهارت اعصابي ولاارد الانـفاس

يالــيتــني فكرت قبل انغمـاســـي " " بالـغفله اللي منتـهاها لــلافلاس

وفزيت من نومي على صوت ناسـي " " واصرخ واقول الموت وأحذر الناس

خاطره جميله ونقل رائع
سلمت يمينك على هذا الابداع
كل الود والتقدير

صح الله يمينك ولسان قايلها

والله لا يهينك على نقلها لنا

أخوكي / صديق الملك

اصبحت في قبري ولابه مواسي " " واسمع قريع نعولهم يوم تـــــنداس

من يوم قــــــفوا حل موثق لباسي " " وعلى رد الروح صوت بالاجراس

قصيدة مؤثرة فعلا,,,,,,, وفيها وعظ وعبــــــــــــــــرة ,,,,, أســـــأل الله ان يرحم حالنا جميـــــع

اشكرك غاليتــــــــــــــي على النقل الراقي,,,,

http://upload.traidnt.net/upfiles/uYQ85467.jpg (http://upload.traidnt.net/)

شكرا امير بنظرتي مرورك يسعدني
بارك الله فيك

شكرا صديق الملك بارك الله فيك
مرورك اتشرف به
تحياتي

حلا بارك الله فيك
مرورك اعتز فيه ياالغالية
تحياتي