نطلب أي قصيده لشاعر جهينه الأول الشاعر / راشد مبارك العنيني
ومن يحفظلنا أبيات من قصيدته التي رد فيها على الشاعر الأمير : محمد أحمد السديري
يضيفها لنا .. في المنتدى ..

هذه القصيده للشاعر المرحوم في مدح الملك فيصل يرحمهما الله جميعاً


يامرسلي ولم على ضــــــــــومريه............طلق الذراع اللي طواله خطاها
من ساس هجنا يقطعن الدويــــــه............اسبق من اللي ريشها في قراها
ظيرت على ثنتين وهيه صــــــــبيه............لها ثلاث سنين ترضع غـــــــــــذاها
لما على مخ اللبن زاد نيـــــــــــــه..............تجفل من الدغلوب لاناش ماها
حره تربت بالديار الــــــــــــــــــعذيه............ومفضله بالقيض واول شـــــتاها
مارصها زور الفحل قـــــــــــــيد نيه............ولا لجها المفرود يرضع سياها
حول السديس وداخله في ضحيه.............مابينن نيبانها مــــــــــن جماها
زين الشداد الضامر الشوشليه................لولايه ارخي في حقبها زواها
توحي صرير شدادها بالعشيه..................مثل المحاله يوم يقفي رشاها
واحذر من الحدرا تراها حـــــريه................تعجلك خمك للرسن مع عصاها
والا من الماسورتظهر عـــــــريه................مثل القطاه اللي متلي قــطاها
تنصى لمن منصاه له مقـــــبليه...............قصرا على بيت المعزه تبـــــــاها
تلقا بها فيصل زبون الشــــــكيه...............منج الضعوف اللي مقصر جداها
مثل السراج اللي تقابس ضويه...............نوره يدل الدرب خوف تغواهــــــا
شيخ الشيوخ وشيخته مقدميه.............. شيخا على سبع الدول ماشراها
تلقاه بشذا للعقاب القـــــــــضيه.............صقرا صقر كل الصقور وحــــــداها
غدي عليهم مثل نار ســـــــــعيه............يعمي مسويت المحايل ســـــناها
اليا حضر في مجلس المشوريه............عارف طواريها وعابي عباـــــــــها
وعين الحرام اللي بها منـــــكريه.........عقورها عنده وعارف دواهــــــــــــــا
خض العدود اللي دروبه لــــويه........واطلق لها العوام لما غبـــــــــــــــاها
لما جلس في مجلس المملكيه.........وتراوس الكرسي وطايب هـــــواها
لعلها يامير شــــــــــــــــربه هنيه..........تذكر عواقبها بلذة حــــــــــــــــــلاها
تاخذ وتعطي بالحياه البــــــهيه........حسنات بالدنيا تكـــــــــــــــــــــفر بلاها


اما بالنسبه لقصيدة السديري مرت علي ولكن لا احفظها

المصدر| كتاب شعراء من وادي العيص

زفير الناي
يعطيك العافيه على هذه القصيده
وأشكر لك تجاوبك ..
ومرورك ..
ولكن نرجو المزيد من باقي الأعضاء ..