الوجيه
01-09-2008, 06:11 AM
بسم الله الرحمن الرحيم وبعد
اقدم هذه المجموعه من الكسرات بمناسبه التسجيل بالمنتدى وامل ان تحوز على رضاكم ..........وتقبلوا تحياتي,,,,,,, الوجيه
الكرنب
الليل تلاّ و فجره لاح=وروّح و عوّد لنا ثاني
وآنا تحت طاعة الجرّاح=اللي قتلني و لا احياني
@@
أللي تعدّى و فيّا لد=ثم ابتسم عند ما لدّا
أفيدني يا عريب الجد=اقفى بروحي ولا هدّا
الرد
هذاك مخلوط عود و ند=وعنوانهم في طرف حدّا
اللي على ساس ما ينهد=واللي بلا ساس ينهدّا
@@
لاتحسب البعد في ظنّك=يخلف هوانا عن الترتيب
غايب عن العين لاكنّك=القلب حاضر عنه ما تغيب
ابوحمرون
بنيت ليّا قصر فالود=زخرفت ساسه و عليّته
لكن تسلّط له الهدهد=أخرب جنابه و كبيّته
محمد بن سليمان القريقري
من أسمره لا دمشق الشام=جانا خبر و الخبر رايد
لقيت بحر القناه يسام=ما بين دلاّل و مزايد
@@
يا معدن الطيب محسوبك=قلب الشقي ما يبات الليل
إنت على روق مشروبك=وانا الذي فإعتدال و ميل
@@
ألبا تنكّرش مع البرلِك=شفت الحرامي دخل فيها
عامل مصلّي و هو مشرِك=يالله من اللص تنجيها
@@
يا صاحب النور ولّع لي=من جوهره ضوّها وضّاح
سعليّةٍ لفت السعلي=وتقول انا سارقٍ مزّاح
@@
لا تحسب الجو يصفالك=بعد الصفا لازم التعكير
الصاحب اللي شغل بالك=إكسر جناحه ما عاد يطير
@@
خذني نهابه عن الكبريت=من نار قلبي أولع لك
لولاك من ديرتي ما جيت=من كثر شوقي أطالع لك
@@
إن جيت أو جرت أو صديت=وطيّتك فالأرض أدراها
إنت الذي فالحشا حليت=إنت دوا الروح ومناها
@@
هبّت هبيّب علي هبّت=وش ذا الهوى اللي بلا حايه
و نيران يااهل الهوى شبّت=وعيون بالدمع بكّايه
الرد
اليد من رغبها ربّت=وافلاك تجري و مشّايه
لو حاشت الروح ما حبّت=ما صارت العين بكّايه
@@
هبّت هبيّب وانا كسلان=فاح الزهر من صناديقه
واوجد روحي على الغزلان=فارقت لذّة مناطيقه
@@
إسترّت الملبنه بالزرع=من يوم عزيز النسب جاها
جاهل معلم أمور الشرع=واسامي الرب يقراها
@@
يا حسين ما تغلّق الطلاب=أللي بحجه ووضعيّه
المال دونه نشب و حراب=هي البرع للشيوعيّه
@@
يا حسين رد الخطا عني=يا عزوتي كل ما لديت
سلمان ما يعرف القنّي=درت البصر فيه لين إزريت
الرد
لك حق في موجب القنّي=أبرّكه عندكم فالبيت
حط النقا فيه و اذهنّي=لا تقول يا صاحبي مااوفيت
@@
يا سيد بكره يجينا العيد=واحنا كذا ما تصالحنا
ما هي شروط الهوى يا سيد=الناس في عيد غير إحنا
@@
لا يا علي كل ما جا يوم=تود غيري وتنساني
نمسي حبايب و نصبح يوم=والكل عينه من الثاني
@@
لا يا علي فالغضي مااقديت=عقّبت لي يا علي عِله
فالقلب لاسبد ما حطيت=خطاك متعدي المِله
الرد
إن سلت عنّي أنا ما سيت=ولا يشكي منّي الخله
آنا هوايا هوى شربيت=الصافي اللي دوا العله
@@
لا يا بيّاض الورق درّك=بلّغ سلامي لمن أهواه
أعداد ساكن و متحرّك=غصن النسيم الهوى يقفاه
@@
ما بين عيني وقلبي كون=هوشة حدث ما قدرت أطفيه
لحق المفّرع ربع مليون=بالعون ياالربع ما يكفيه
@@
سلام يا ليف في شيشه=يالاخضري يا كحيل العين
من ودكم ماآكل العيشه=ولا تهنّى بنومي زين
@@
صاح الخلي قال وين اهلي=وين الذي كنت أوده وين
اصبحت فالوادي المخلي=وإطرى عليّا كحيل العين
الكرنب
تجدد الجرح واغلبي=واغلب قلبي تحايا داه
تناثر الورد في دربي=وانا مقّطع مجاري ماه
@@
آه الهوى مصعبه مااقساه=محلاه مع لذّة أمراره
ما ذقت مثل الذي ذقناه=يا لايمي طحت في ناره
@@
نجمٍ بدا آه لو ظلاّ=إظلم على الناس لمن غاب
حتى البلد حظّها ولاّ=ما عاد فيها طرب و اعجاب
@@
يا ناس قولوا لصاحبنا=إحنا هنا و الموده هناك
و قولوا لمن كان يتبعنا=قولوا يسلّم عليكم ذاك
@@
لا يا زهر ليم جيتك ضيف=كب الجفا لا تجيب أعذار
حالي تلف والعضا و قّيف=والقلب لالا ضلوعي طار
@@
الله يسلّط على الحسّاد=اللي يجيهم ما يعطونه
اللي تغلّوا على الكبّاد=ضيف العنب كيف يقرونه
@@
ليمون حالي بلا سكر=و فنون جوف البحر سبّيح
يوم افتكر فيه واتفكر=ما للصبر طب غير البيح
ينبع
يا ناس وين التقي لي خل=صادق ولا يبيح بأسراره
مدة حياتي معي ما يزل=ما يلهد القلب باضراره
الرد
ذا جيل في وقتنا بس طل=إليا مشى غير بيساره
الجيد ياخذ شهر يعطل=ويجيك يا مكثر أعذاره
@@
يا مركب الهند من دلك=ساري بعد ليل من مرساك
ما تخاف من حال يحصلك=ويردّك الموج عن مجراك
@@
مركب عدن سفّر العشّاق=نادخ بهم من بحر برّى
خلّى عليل الهوى مشتاق=كاتم على السد ما ورّى
@@
بين الأماقي و بين الرمش=جرّة قلم مثل حرف الصاد
غزال يقطف جميع الورش=عيّا القنانيص لا ينصاد
@@
بحر الهوى صابته خلفه=أمواج كثرت ولا تنعام
أيام يا ناس مختلفه=من جيل هذا السنه و العام
@@
لا تحسب انك ملكت وكان=من ظاهر القول يعطونك
ألاخضري باشة الغزلان=جو له محبين من دونك
ينبع
مع الأسف آه لو كنا=معاك و آكون في بالك
حتى متى ما تقابلنا=عليّا ما يحرم سئالك
@@
حبيب لو تنتظر قلبي=تلقى منازلك من ياقوت
لاجلك على الزين متربي=ماانسى مودّتك لو آموت
@@
يا صاحب الطب باسالك=وشهو جرالك مع المحبوب
المشخص اللي على بالك=عساه جالك على المطلوب
ابوحمرون
هذا دلع يا غزال البر=ولاّ تمهجر على المسكين
آنا التمهجر عليّا ضر=أضر من طعنة السكين
ينبع
بيّاع ليمون لاكنّي=بحر الهوى ذقت فيه أمرار
نلت الهوى من صغر سنّي=وجدي على كاتم الأسرار
@@
يا قاطف الفل يا نعّاس=فلّك قِطف وانت ما تدري
إما احرسه عن جميع الناس=و لا ترى خاطري مطري
@@
والله الايام غازتني=حتى حربتني حريب القوم
و حتى اتعبتني و شاجتني=وحتى حرمتني لذيذ النوم
@@
محدٍ توسط لابن ثابت=ولاحدٍ دخل قالته بإصلاح
كل الأصاحيب ما فادت=سهم الموّده سلاه وراح
باحارث
يا باشةٍ بالوفا نوفيه=ألآن عقّب أسى يجرح
أخلّي الناس تشمت فيه=ولاّ اتجنّب عنه و ابرح
رد له يوسف بن جميل
يلزم على مثلكم يهديه=و يعلّمه بالذي يصلح
وان جات زلّه منه تعطيه=من خوف بعض العرب تفرح
@@
مركب ندخ من حياة ارواح=مكتوب فيه العليل يطيب
ريحه روايح زهر تفاح=سنبل عراقي و مسك و طيب
@@
يا نجمةٍ فالسما دارت=ومن اليمن روّحت للشام
والناس في ضوّها احتارت=قرار لدولة الأيام
@@
سلام مني يابو حسّان=الهم فالقلب ما راحي
أبغى لحاقه من الدكان=حزّة تجي وقت الافراحي
@@
يا سيد انا الهيّن الليّن=مشخص ذهب ما خِلط بنحاس
صابر على الغلب ما بيّن=من خوف تزرى علي الناس
@@
سلام مني عدد ما فات=وعدود لا مشيّكم ليّه
جيت اتعّذر على ما فات= قصر القدم جاك ماريّه
@@
سلام تسلم من الأسباب= ياخوي كيف انت و شحالك
جرحي برى و السقم ما طاب=وانا سبب علتي جارك
@@
والله أنا خاطري زعلان=من جاهلٍ مر عشويّه
عادل على صدره النيشان=يا خالقي تجلبه ليّه
@@
سيدي حسن كثّر التقدير=والخاتمه ما عرفناها
مدري مراده محمد عيد=ولاالفواكه با يجناها
@@
يا شمعدان إشتهر معناك=على المعاني واهاليها
بعض العرب ليه ما تدناك=بالنار لجلك تصاليها
@@
يا خل خليت فالخاطر=هوجاس طيّر لذيذ النوم
يا مزنةٍ هلت الماطر=واسقى ح
ما عمر ودٍ نشا وانهد=عوّد نشا مثل عاداته
أللي جرى من زمان و سد=أحسن له القلب راحاته
وحلفت صادق بواحد فرد=أللي خلقنا بقدراته
في ودّه القلب إن عوّد=أكويه و اشفي بكيّاته
@@
قلبي غدا مع بني ول ول=والله غدوبه عليّا ول
له ود جوف الحشا حلحل=يا من درى كيف بيّا حل
@@
يا قاضم الهيل نص الليل=عطني من الهيل لو حبه
لجلي في فاقته بالحيل=كنّي على نار مشتبه
@@
ان كان قصدك صفا الأحباب=واكتم على السد لا تبيحه
شوف الحبيّب فسد الباب= والباب راحت مفاتيحه
@@
يا ميم مر الصبر مقواه=يا ميم مر الصبر قاسي
يا ميم قلبي تعب فرضاه=يا ميم له ود حرّاسي
@@
أربع صفاوي مع ام حميد=سمنه و بيضه و بكّايه
زادت عليها معاني زيد=الجودري و التسلاّيه
@@
بختي ِكرك و البخت كِركَين=فالود ولاّ فغيره لا
يا ليت وانّي معي قرشين=و أشرب عسل من عسل نحلا
@@
شوف الجبل شالته ضرّه=شالت جبل عوف مع عمّار
شالت لها ناس في قره=طارت بهم طيرة الطيّار
@@
صفّوا معي واعذروا ذا الروح=اللي تهوّت مع الناحي
ياالروح ما شوفلك مصلوح=تبع المقّفين لكفاحي
@@
لا تحط لك منزله و دروب=وكل مااجيك تحلف لي
من عامل الناس بالمقلوب=يجيبه الله بالمهلي
@@
اللي مضى صاحبي و اقول=اليوم شفت التجنّابي
يدور وسط البلد و يقول=بطّلت في جملة اصحابي
@@
يااهل المدينه لفاكم زيد=يااهل التراحيب فوزوا له
يفداه منّي قرايا زبيد=وخيف ينبع على طوله
@@
أشكي عليك الحديد اللي=ثمانيه و اربعين أشكيه
سافر بخلي بلا دلّي=ما يهدّي الفرمله راعيه
@@
يا كم يحصل على الإنسان=ما يضيّع الطب يا شاطر
لو كان تعمل عمل إحسان=يجيك ما ينكّد الخاطر
@@
أشكي عليك الحديد الفورت=آبو اسطوانه وابوغليون
من دعسته للفرامل حرت=يمشي على سكته مضمون
@@
ظبي الحما سنّد الوادي=ويقول واد الفرع مرباه
ووحيت صيّاد و منادي=لا واوجودي على لاماه
@@
طار الهوى فوق وسق شداد=ومن يدفع السلم من كيسه
يبلغ مراده و منها يفاد=تخزى و تندم أباليسه
@@
والله رماني خبر ما فيش=بالعين مردوم الاوشاني
يامن درى عقب الصواب اعيش=ولاّ وفت حسبة ايامي
@@
شفت الشميله و ست ستوت=فوق العسيله سقاها الله
ونيت ونه بغيت اموت=تشاهدوا كل خلق الله
@@
والله رموني ولا سالوا=اهل العيون السهاويّه
طريح لو العرب قالوا=ما عاد فيّا رجاويّه
@@
يوم إطّلع زيد عن حالي=هلت دموعه و زاد بكاه
وحن و أرخص لي الغالي=يااهل المعاني بأيش اجزه
الرد
صب العسل و إسقه الحالي=قلّه جزا فالذي سواه
وخلّك معه زيد متوالي=وليا انحبس سير في رجواه
@@
فكّرت ذكّرتني ما زل=ذكّرتني ما جرى أول
يوم الهوا بالهوا مجمل=والروح بالهّم تتهوّل
@@
لا وابي الا افترق لامي=ولا ظن بعد الفراق ليام
مدري سبب جاه قدامي=ولاّ صدف جيت له قدام
@@
يا سيد راضي بهجر الدور=ولا هجركم للدهر كله
ما يسمع القول غير الثور=كم فرّقوا خل عن خله
@@
محسبك يا فلة البستان=ياكلك ذبان و قرادي
اللي مضى مشتقي تعبان= واليوم قنعان يااسيادي
@@
ياللي عن الحال تسألني=آسف عليّا عدم قربك
آمن بربك و صدقني=في غاية النوم أحلم بك
@@
يارب تفرج هموم الكرب=يارب طه وبن عباس
كم من بعيدٍ رجاه القرب=وكم من قريبٍ رجاه الياس
@@
كم صد كم رد كم هجران=كم عقّبوا من طنا فالروح
وجدي على كاتم الأسرار=يروف بي يا حياة الروح
باحارث
في سابق الوقت وش سوّا=يوم الصبا و الجهوليّه
ذِكرت لي فأمنا حوّا=يا صاحبي كل عصريّه
@@
سلام ما نعرف حسابه=أعداد ما ترسم الأقلام
أخوك يخبرك من مابه=قلبه غدا مطرح الأسقام
الرد
يا مرحبا واتحيّابه=من اليمن لا حدود الشام
من والف الود و اصحابه=على كذا حالته ما ينام
@@
البيض ياما لهن غدرات=كم اضحكن حي وابكنّه
ومن لا يتوقع من العثرات=يا سرع ما ميّلن فنه
@@
ألاخضري زين من عدله=فيه اللدانه و حلو لسان
كل المخاليق طاعت له=في كفته يرجح الميزان
@@
أيام طيّب و متعافي=وأيام فيها العضا تنحل
وأيام فيها ألم خافي=وأيام فيها هوان و ذل
وأيام نشرب عسل صافي=وأيام فيها شربنا خل
وأيام حلوه مع الوافي=وأيام فوق الصبر حنظل
@@
ياليت ناصر يشوف الزين=أللي تباين مع الطاقه
آبو ورودٍ على الخدين=و عيون حلوه و عشاقه
@@
يا حا مالي دوا فالكون=إلا انت يا حا يا طبّي
يا حا انت حسين اللون=يا حا وين انت مترّبي
@@
لا تأمن البيض لو ضحكن=ساس المكر خاينات عهود
كم اضحكن حي كم إبكن=كم انقتل بالعيون السود
@@
على المهل يا عذيب اللام=إرفق ترفّق على روحك
ما تعلم ان الهوا حكّام=يغلب بجده على مزوحك
@@
خطيت لي خط من يقراه=و يرد لي فالعمل شرحه
زرعت لي زرع في مرباه=إثمر ولا ذقت من طرحه
الرد
خطك قري وافتهم معناه=كد بان لهل الهوى شرحه
أللي زرع في سبيل الله=لا يسأل اليوم عن طرحه
اقدم هذه المجموعه من الكسرات بمناسبه التسجيل بالمنتدى وامل ان تحوز على رضاكم ..........وتقبلوا تحياتي,,,,,,, الوجيه
الكرنب
الليل تلاّ و فجره لاح=وروّح و عوّد لنا ثاني
وآنا تحت طاعة الجرّاح=اللي قتلني و لا احياني
@@
أللي تعدّى و فيّا لد=ثم ابتسم عند ما لدّا
أفيدني يا عريب الجد=اقفى بروحي ولا هدّا
الرد
هذاك مخلوط عود و ند=وعنوانهم في طرف حدّا
اللي على ساس ما ينهد=واللي بلا ساس ينهدّا
@@
لاتحسب البعد في ظنّك=يخلف هوانا عن الترتيب
غايب عن العين لاكنّك=القلب حاضر عنه ما تغيب
ابوحمرون
بنيت ليّا قصر فالود=زخرفت ساسه و عليّته
لكن تسلّط له الهدهد=أخرب جنابه و كبيّته
محمد بن سليمان القريقري
من أسمره لا دمشق الشام=جانا خبر و الخبر رايد
لقيت بحر القناه يسام=ما بين دلاّل و مزايد
@@
يا معدن الطيب محسوبك=قلب الشقي ما يبات الليل
إنت على روق مشروبك=وانا الذي فإعتدال و ميل
@@
ألبا تنكّرش مع البرلِك=شفت الحرامي دخل فيها
عامل مصلّي و هو مشرِك=يالله من اللص تنجيها
@@
يا صاحب النور ولّع لي=من جوهره ضوّها وضّاح
سعليّةٍ لفت السعلي=وتقول انا سارقٍ مزّاح
@@
لا تحسب الجو يصفالك=بعد الصفا لازم التعكير
الصاحب اللي شغل بالك=إكسر جناحه ما عاد يطير
@@
خذني نهابه عن الكبريت=من نار قلبي أولع لك
لولاك من ديرتي ما جيت=من كثر شوقي أطالع لك
@@
إن جيت أو جرت أو صديت=وطيّتك فالأرض أدراها
إنت الذي فالحشا حليت=إنت دوا الروح ومناها
@@
هبّت هبيّب علي هبّت=وش ذا الهوى اللي بلا حايه
و نيران يااهل الهوى شبّت=وعيون بالدمع بكّايه
الرد
اليد من رغبها ربّت=وافلاك تجري و مشّايه
لو حاشت الروح ما حبّت=ما صارت العين بكّايه
@@
هبّت هبيّب وانا كسلان=فاح الزهر من صناديقه
واوجد روحي على الغزلان=فارقت لذّة مناطيقه
@@
إسترّت الملبنه بالزرع=من يوم عزيز النسب جاها
جاهل معلم أمور الشرع=واسامي الرب يقراها
@@
يا حسين ما تغلّق الطلاب=أللي بحجه ووضعيّه
المال دونه نشب و حراب=هي البرع للشيوعيّه
@@
يا حسين رد الخطا عني=يا عزوتي كل ما لديت
سلمان ما يعرف القنّي=درت البصر فيه لين إزريت
الرد
لك حق في موجب القنّي=أبرّكه عندكم فالبيت
حط النقا فيه و اذهنّي=لا تقول يا صاحبي مااوفيت
@@
يا سيد بكره يجينا العيد=واحنا كذا ما تصالحنا
ما هي شروط الهوى يا سيد=الناس في عيد غير إحنا
@@
لا يا علي كل ما جا يوم=تود غيري وتنساني
نمسي حبايب و نصبح يوم=والكل عينه من الثاني
@@
لا يا علي فالغضي مااقديت=عقّبت لي يا علي عِله
فالقلب لاسبد ما حطيت=خطاك متعدي المِله
الرد
إن سلت عنّي أنا ما سيت=ولا يشكي منّي الخله
آنا هوايا هوى شربيت=الصافي اللي دوا العله
@@
لا يا بيّاض الورق درّك=بلّغ سلامي لمن أهواه
أعداد ساكن و متحرّك=غصن النسيم الهوى يقفاه
@@
ما بين عيني وقلبي كون=هوشة حدث ما قدرت أطفيه
لحق المفّرع ربع مليون=بالعون ياالربع ما يكفيه
@@
سلام يا ليف في شيشه=يالاخضري يا كحيل العين
من ودكم ماآكل العيشه=ولا تهنّى بنومي زين
@@
صاح الخلي قال وين اهلي=وين الذي كنت أوده وين
اصبحت فالوادي المخلي=وإطرى عليّا كحيل العين
الكرنب
تجدد الجرح واغلبي=واغلب قلبي تحايا داه
تناثر الورد في دربي=وانا مقّطع مجاري ماه
@@
آه الهوى مصعبه مااقساه=محلاه مع لذّة أمراره
ما ذقت مثل الذي ذقناه=يا لايمي طحت في ناره
@@
نجمٍ بدا آه لو ظلاّ=إظلم على الناس لمن غاب
حتى البلد حظّها ولاّ=ما عاد فيها طرب و اعجاب
@@
يا ناس قولوا لصاحبنا=إحنا هنا و الموده هناك
و قولوا لمن كان يتبعنا=قولوا يسلّم عليكم ذاك
@@
لا يا زهر ليم جيتك ضيف=كب الجفا لا تجيب أعذار
حالي تلف والعضا و قّيف=والقلب لالا ضلوعي طار
@@
الله يسلّط على الحسّاد=اللي يجيهم ما يعطونه
اللي تغلّوا على الكبّاد=ضيف العنب كيف يقرونه
@@
ليمون حالي بلا سكر=و فنون جوف البحر سبّيح
يوم افتكر فيه واتفكر=ما للصبر طب غير البيح
ينبع
يا ناس وين التقي لي خل=صادق ولا يبيح بأسراره
مدة حياتي معي ما يزل=ما يلهد القلب باضراره
الرد
ذا جيل في وقتنا بس طل=إليا مشى غير بيساره
الجيد ياخذ شهر يعطل=ويجيك يا مكثر أعذاره
@@
يا مركب الهند من دلك=ساري بعد ليل من مرساك
ما تخاف من حال يحصلك=ويردّك الموج عن مجراك
@@
مركب عدن سفّر العشّاق=نادخ بهم من بحر برّى
خلّى عليل الهوى مشتاق=كاتم على السد ما ورّى
@@
بين الأماقي و بين الرمش=جرّة قلم مثل حرف الصاد
غزال يقطف جميع الورش=عيّا القنانيص لا ينصاد
@@
بحر الهوى صابته خلفه=أمواج كثرت ولا تنعام
أيام يا ناس مختلفه=من جيل هذا السنه و العام
@@
لا تحسب انك ملكت وكان=من ظاهر القول يعطونك
ألاخضري باشة الغزلان=جو له محبين من دونك
ينبع
مع الأسف آه لو كنا=معاك و آكون في بالك
حتى متى ما تقابلنا=عليّا ما يحرم سئالك
@@
حبيب لو تنتظر قلبي=تلقى منازلك من ياقوت
لاجلك على الزين متربي=ماانسى مودّتك لو آموت
@@
يا صاحب الطب باسالك=وشهو جرالك مع المحبوب
المشخص اللي على بالك=عساه جالك على المطلوب
ابوحمرون
هذا دلع يا غزال البر=ولاّ تمهجر على المسكين
آنا التمهجر عليّا ضر=أضر من طعنة السكين
ينبع
بيّاع ليمون لاكنّي=بحر الهوى ذقت فيه أمرار
نلت الهوى من صغر سنّي=وجدي على كاتم الأسرار
@@
يا قاطف الفل يا نعّاس=فلّك قِطف وانت ما تدري
إما احرسه عن جميع الناس=و لا ترى خاطري مطري
@@
والله الايام غازتني=حتى حربتني حريب القوم
و حتى اتعبتني و شاجتني=وحتى حرمتني لذيذ النوم
@@
محدٍ توسط لابن ثابت=ولاحدٍ دخل قالته بإصلاح
كل الأصاحيب ما فادت=سهم الموّده سلاه وراح
باحارث
يا باشةٍ بالوفا نوفيه=ألآن عقّب أسى يجرح
أخلّي الناس تشمت فيه=ولاّ اتجنّب عنه و ابرح
رد له يوسف بن جميل
يلزم على مثلكم يهديه=و يعلّمه بالذي يصلح
وان جات زلّه منه تعطيه=من خوف بعض العرب تفرح
@@
مركب ندخ من حياة ارواح=مكتوب فيه العليل يطيب
ريحه روايح زهر تفاح=سنبل عراقي و مسك و طيب
@@
يا نجمةٍ فالسما دارت=ومن اليمن روّحت للشام
والناس في ضوّها احتارت=قرار لدولة الأيام
@@
سلام مني يابو حسّان=الهم فالقلب ما راحي
أبغى لحاقه من الدكان=حزّة تجي وقت الافراحي
@@
يا سيد انا الهيّن الليّن=مشخص ذهب ما خِلط بنحاس
صابر على الغلب ما بيّن=من خوف تزرى علي الناس
@@
سلام مني عدد ما فات=وعدود لا مشيّكم ليّه
جيت اتعّذر على ما فات= قصر القدم جاك ماريّه
@@
سلام تسلم من الأسباب= ياخوي كيف انت و شحالك
جرحي برى و السقم ما طاب=وانا سبب علتي جارك
@@
والله أنا خاطري زعلان=من جاهلٍ مر عشويّه
عادل على صدره النيشان=يا خالقي تجلبه ليّه
@@
سيدي حسن كثّر التقدير=والخاتمه ما عرفناها
مدري مراده محمد عيد=ولاالفواكه با يجناها
@@
يا شمعدان إشتهر معناك=على المعاني واهاليها
بعض العرب ليه ما تدناك=بالنار لجلك تصاليها
@@
يا خل خليت فالخاطر=هوجاس طيّر لذيذ النوم
يا مزنةٍ هلت الماطر=واسقى ح
ما عمر ودٍ نشا وانهد=عوّد نشا مثل عاداته
أللي جرى من زمان و سد=أحسن له القلب راحاته
وحلفت صادق بواحد فرد=أللي خلقنا بقدراته
في ودّه القلب إن عوّد=أكويه و اشفي بكيّاته
@@
قلبي غدا مع بني ول ول=والله غدوبه عليّا ول
له ود جوف الحشا حلحل=يا من درى كيف بيّا حل
@@
يا قاضم الهيل نص الليل=عطني من الهيل لو حبه
لجلي في فاقته بالحيل=كنّي على نار مشتبه
@@
ان كان قصدك صفا الأحباب=واكتم على السد لا تبيحه
شوف الحبيّب فسد الباب= والباب راحت مفاتيحه
@@
يا ميم مر الصبر مقواه=يا ميم مر الصبر قاسي
يا ميم قلبي تعب فرضاه=يا ميم له ود حرّاسي
@@
أربع صفاوي مع ام حميد=سمنه و بيضه و بكّايه
زادت عليها معاني زيد=الجودري و التسلاّيه
@@
بختي ِكرك و البخت كِركَين=فالود ولاّ فغيره لا
يا ليت وانّي معي قرشين=و أشرب عسل من عسل نحلا
@@
شوف الجبل شالته ضرّه=شالت جبل عوف مع عمّار
شالت لها ناس في قره=طارت بهم طيرة الطيّار
@@
صفّوا معي واعذروا ذا الروح=اللي تهوّت مع الناحي
ياالروح ما شوفلك مصلوح=تبع المقّفين لكفاحي
@@
لا تحط لك منزله و دروب=وكل مااجيك تحلف لي
من عامل الناس بالمقلوب=يجيبه الله بالمهلي
@@
اللي مضى صاحبي و اقول=اليوم شفت التجنّابي
يدور وسط البلد و يقول=بطّلت في جملة اصحابي
@@
يااهل المدينه لفاكم زيد=يااهل التراحيب فوزوا له
يفداه منّي قرايا زبيد=وخيف ينبع على طوله
@@
أشكي عليك الحديد اللي=ثمانيه و اربعين أشكيه
سافر بخلي بلا دلّي=ما يهدّي الفرمله راعيه
@@
يا كم يحصل على الإنسان=ما يضيّع الطب يا شاطر
لو كان تعمل عمل إحسان=يجيك ما ينكّد الخاطر
@@
أشكي عليك الحديد الفورت=آبو اسطوانه وابوغليون
من دعسته للفرامل حرت=يمشي على سكته مضمون
@@
ظبي الحما سنّد الوادي=ويقول واد الفرع مرباه
ووحيت صيّاد و منادي=لا واوجودي على لاماه
@@
طار الهوى فوق وسق شداد=ومن يدفع السلم من كيسه
يبلغ مراده و منها يفاد=تخزى و تندم أباليسه
@@
والله رماني خبر ما فيش=بالعين مردوم الاوشاني
يامن درى عقب الصواب اعيش=ولاّ وفت حسبة ايامي
@@
شفت الشميله و ست ستوت=فوق العسيله سقاها الله
ونيت ونه بغيت اموت=تشاهدوا كل خلق الله
@@
والله رموني ولا سالوا=اهل العيون السهاويّه
طريح لو العرب قالوا=ما عاد فيّا رجاويّه
@@
يوم إطّلع زيد عن حالي=هلت دموعه و زاد بكاه
وحن و أرخص لي الغالي=يااهل المعاني بأيش اجزه
الرد
صب العسل و إسقه الحالي=قلّه جزا فالذي سواه
وخلّك معه زيد متوالي=وليا انحبس سير في رجواه
@@
فكّرت ذكّرتني ما زل=ذكّرتني ما جرى أول
يوم الهوا بالهوا مجمل=والروح بالهّم تتهوّل
@@
لا وابي الا افترق لامي=ولا ظن بعد الفراق ليام
مدري سبب جاه قدامي=ولاّ صدف جيت له قدام
@@
يا سيد راضي بهجر الدور=ولا هجركم للدهر كله
ما يسمع القول غير الثور=كم فرّقوا خل عن خله
@@
محسبك يا فلة البستان=ياكلك ذبان و قرادي
اللي مضى مشتقي تعبان= واليوم قنعان يااسيادي
@@
ياللي عن الحال تسألني=آسف عليّا عدم قربك
آمن بربك و صدقني=في غاية النوم أحلم بك
@@
يارب تفرج هموم الكرب=يارب طه وبن عباس
كم من بعيدٍ رجاه القرب=وكم من قريبٍ رجاه الياس
@@
كم صد كم رد كم هجران=كم عقّبوا من طنا فالروح
وجدي على كاتم الأسرار=يروف بي يا حياة الروح
باحارث
في سابق الوقت وش سوّا=يوم الصبا و الجهوليّه
ذِكرت لي فأمنا حوّا=يا صاحبي كل عصريّه
@@
سلام ما نعرف حسابه=أعداد ما ترسم الأقلام
أخوك يخبرك من مابه=قلبه غدا مطرح الأسقام
الرد
يا مرحبا واتحيّابه=من اليمن لا حدود الشام
من والف الود و اصحابه=على كذا حالته ما ينام
@@
البيض ياما لهن غدرات=كم اضحكن حي وابكنّه
ومن لا يتوقع من العثرات=يا سرع ما ميّلن فنه
@@
ألاخضري زين من عدله=فيه اللدانه و حلو لسان
كل المخاليق طاعت له=في كفته يرجح الميزان
@@
أيام طيّب و متعافي=وأيام فيها العضا تنحل
وأيام فيها ألم خافي=وأيام فيها هوان و ذل
وأيام نشرب عسل صافي=وأيام فيها شربنا خل
وأيام حلوه مع الوافي=وأيام فوق الصبر حنظل
@@
ياليت ناصر يشوف الزين=أللي تباين مع الطاقه
آبو ورودٍ على الخدين=و عيون حلوه و عشاقه
@@
يا حا مالي دوا فالكون=إلا انت يا حا يا طبّي
يا حا انت حسين اللون=يا حا وين انت مترّبي
@@
لا تأمن البيض لو ضحكن=ساس المكر خاينات عهود
كم اضحكن حي كم إبكن=كم انقتل بالعيون السود
@@
على المهل يا عذيب اللام=إرفق ترفّق على روحك
ما تعلم ان الهوا حكّام=يغلب بجده على مزوحك
@@
خطيت لي خط من يقراه=و يرد لي فالعمل شرحه
زرعت لي زرع في مرباه=إثمر ولا ذقت من طرحه
الرد
خطك قري وافتهم معناه=كد بان لهل الهوى شرحه
أللي زرع في سبيل الله=لا يسأل اليوم عن طرحه