الصقر دايم منزله بالمراقيب = عالي ولا يرضا الغدر والمهونه
عاقل ولا يمكن يكب المواجيب = وكل الجماعه بالفرع يعرفونه
المنتدى يشهد بفعلي على الطيب = وأقول يا أهل العرف لا تنكرونه
ساعتكم يالين دست الأصاعيب = واللي يعاديكم كحلنا عيونه
ما همني من ينقلون الأكاذيب = ميقافهم وقت اللقا يتركونه
ماني مدور من وراهم تراحيب = وهرج القفا يا كثر من ينقلونه
أنا عنيني مقبل الشك والريب = وليا وقفت بالعلم ما طحت دونه

المنتدى يشهد بفعلي على الطيب
وأقول يا أهل العرف لا تنكرونه


صــح لــسـانـكـ وعـلا شــانـكـ أخـوي صــقـر

كـن دائمـا كـمـا عـهدنـاكـ مـبـدعـاً وللـشعـر مـتذوقـاً

((تـحـياتـي))

الصقر دايم منزله بالمراقيب
عالي ولا يرضا الغدر والمهونه

اخوي صقر جهينه

صح لسانك

قصيده جزله من راس جزل

لاهنت يالغالي

لاعدمنا بوح مشاعرك

تح ـــــــــــياتي // شبيه الريح

المنتدى يشهد بفعلي على الطيب
وأقول يا أهل العرف لا تنكرونه

صح لسانك اخوي ولا عليك منهم

يقو الشاعر سعدالشقحاء


من هاجساً لشعر مدرك وممنــــون=يصخر وينسج من بنات القريـــحه
يتعب على معناه حرفاً ومضمــون=وما دور المترديه والنطيـــــــــــحه
مدرك وعن نقد الشواعير مصيـون=بذات لا من قام يقدح قديـــــــحه
يليق للي لأجزل الشعر يقــــــــرون=الغانمين اهل الوجيه الفليـــــــــــحه
اللي ليا عدوا هل الشعر يطـــرون=العذر منهم بالشعر نستبيـــــــــــــحه
واثق وله عندي وكاله و مخـــزون=ولأنيب أدور من ورآها المديــــــحه
حتى لو ان الوقت من دون في دون=أقوم وأرقى والردي في مطـــــــيحه
ومرددين الهرج عــــــــنا يـــولون=ضعاف النفوس أهل اليدين الشحيحه
ما نستمع في هرجهم لو يقــــولون=الهرج يعرف كاذبه من صحيــــحه
والصدق مثل النور مهما يغطون=الصدق غايه للقلوب الصريـــحه
والكذب ذنب ومنه الاجواد يقفـــون=ويضاً يعد من الصفات القبيـــــحه
واهل النمامه بالنمامه يســــــــمون= شريحةً يا شينها من شــــــــريحه
اللي من اعراض البشرما يملــــون=أهل الحكي أمدورين الفضيـــحه
عن النمامه دايماً ما يجــــــــوزون=عوجان الالسن والحناجر جريـحه
حتى وهم في حكم ربي يعرفـــون= يكابرون ويرفضون النصيــــــحه
قلباً عماه الحقد والعقل مجنــــون=مفكراً زود الذنوب بتريــــــــــحه
مطاوعاً لبليس وإبليس ملعــــون=وإبليس من درب الهداية يزيـــــحه
دايم على الغرات شفقاً ومفتـــون=عرض البشر في مذهبه يستبيـــحه
مفلس وبذنوب البشر صارمديـون=ولا مات محداً قال ربي يبيـــــحه
والله يغفر ذنوب ناساً يتوبـــــون=رباً كريماً وله جناناً فسيـــــــحه
للعابدين اللي من الله يخافـــــــون=اللي من اعراض البشر مستريــحه
في طاعة الله خاشعيناً يصـلـــون= المتقين أهـــل النوايا السـميـــــــحه

وسلامتكم

الصقر دايم منزله بالمراقيب
عالي ولا يرضا الغدر والمهونه
عاقل ولا يمكن يكب المواجيب
وكل الجماعه بالفرع يعرفونه


صــح لــسـانـكـ وعـلا شــانـكـ أخـوي صــقـر

تفبل مروري المتواضع أمام أبداعك
دمت بود

صقر جهينه:

صح السانك مليون وبيض الله وجهك
ومن لايعرف صقر جهينه <<هو ذلك الشخص الطيب المحبوب
ومن اول نظره تجزم بان هذا الرجل يستحق الاحترام والتقدير
رجل بكل بساطه ماتجيك منه غير الابتسامه والافعال الغانمه
والله يطول بعمر منهو على العز رباك

صديق الملك :

اعجبتني تلك الابيات التي داخلت بها هذه الشامخه الشعريه
وفالك الابداع


ودي وتقديري

مروورك شهادة أعتز بها أخي بواردي العين

وكلماتك أثلجت صدري

كل الشكر لك ولمرووورك الراائع