الفارس
02-04-2008, 11:28 PM
هذه القصيده ألقاها الشاعر : سلامه سعد العنيني في حفل قبيلة الحفاه من عتيبه ..
أثناء ملتقى مزاين قبايل عتيبه ..
سلام الله على الهيلا سلاما ً والدلال تفوح=بهيل وزعفران وسايق الدله يمررها
سلام الشاعر اللي يوم جاهم خاطره مشروح=وجمعا ً مثل هذا يشرح الناس وخواطرها
تحيه لأهل الهيلا عتيبه مبعدين الشوح=مخضبة السيوف فعولها ان دارت دوايرها
شيوخا والأماره في يديهم دربها مبروح=أمارة قوم ماتبحث عن اوامر تأمرها
أماره من قديم لحاضر الدنيا بزود صروح=اماره من قديم وسلسله بيدين اكابرها
على مبدا رفيع ولا عليها من الليالي جروح=على رايات بيضاء فعلهم واضح يفسرها
تأسس ساسها بالسيف نشال الجسد والروح=رهيف الحد رايات الفخر والعز ينشرها
فعايلهم مشاكيل الرجال كتابها مشروح=رجالا ً نعم ماضيها ونعم اليوم حاضرها
لهم مجدا ً رقا بين الثريا والثرى بوضوح=سمع فيها الأصم وشافه اعمى العين وأبصرها
لهم برقا وروق المجد من يوم الليال شفوح=ويبقى مجدهم معهم مع الدنيا لاخرها
شيوخا ً بالمنازل والملاقا خصمهم مفدوح=رجالا ً في دروب المرجله يتعب مخاشرها
رجالا ً فوق هامتها الرمك لاخصامها مذحوح=عزايمهم تسود الارض ماهابت مخاطرها
صقورا ً ياخذون من المبادي طيبات وضوح=على بصر وبصيره ناس ماتاهت بصايرها
ومنازلهم كريمين السجايا بابها مفتوح=بها الظل الظليل ويامن اللي خاف ناحرها
وسحايبهم سحايب غيث ماهي في سحاب رشوح=وداخلها الصواعق للجبال ومن تسبرها
ومزاياهم يتوه الشعر فيها بين سر وبوح=لو اجلس يوم كامل ماصل اولها ولا اخرها
لهم كلمه..لهم موقف..لهم عند الخطوب رجوح=صناديد الرجال اللي حماة الدار سايرها
ولهم تاريخ مجدا ً متصل مع الزمن مسنوح=ويبقى مابقى حيا ً على الدنيا مظاهرها
وشكرا ً لسيدي مشعل راع العليا طويل سبوح=أمير مزاين ابل المملكه بالمال ناصرها
بذل جهده بذل وقته وقال تراثنا مايروح=عطايا الله لها التكريم والقرآن ذاكرها
وأبو تركي بها عاد الرياض من الكويت سروح=على الشدات طاوعته نهار وليل غايرها
وأدام الله حكومتنا بقادتنا جبال نطوح=أبو متعب وابو خالد حما عن كيد غادرها
ننام الليل في راحه وصوت حلوقهم مبحوح=رجال من السهر لاسعادنا جفت حناجرها
ولكم مني تحيه والجميع يقولها مسموح=مايوف الشعر في مدح النشاما من مآثرها
وصلوا عد ماهب النسيم وعد برق يلوح=على الهادي شفيع المسلمين بيوم محشرها
أثناء ملتقى مزاين قبايل عتيبه ..
سلام الله على الهيلا سلاما ً والدلال تفوح=بهيل وزعفران وسايق الدله يمررها
سلام الشاعر اللي يوم جاهم خاطره مشروح=وجمعا ً مثل هذا يشرح الناس وخواطرها
تحيه لأهل الهيلا عتيبه مبعدين الشوح=مخضبة السيوف فعولها ان دارت دوايرها
شيوخا والأماره في يديهم دربها مبروح=أمارة قوم ماتبحث عن اوامر تأمرها
أماره من قديم لحاضر الدنيا بزود صروح=اماره من قديم وسلسله بيدين اكابرها
على مبدا رفيع ولا عليها من الليالي جروح=على رايات بيضاء فعلهم واضح يفسرها
تأسس ساسها بالسيف نشال الجسد والروح=رهيف الحد رايات الفخر والعز ينشرها
فعايلهم مشاكيل الرجال كتابها مشروح=رجالا ً نعم ماضيها ونعم اليوم حاضرها
لهم مجدا ً رقا بين الثريا والثرى بوضوح=سمع فيها الأصم وشافه اعمى العين وأبصرها
لهم برقا وروق المجد من يوم الليال شفوح=ويبقى مجدهم معهم مع الدنيا لاخرها
شيوخا ً بالمنازل والملاقا خصمهم مفدوح=رجالا ً في دروب المرجله يتعب مخاشرها
رجالا ً فوق هامتها الرمك لاخصامها مذحوح=عزايمهم تسود الارض ماهابت مخاطرها
صقورا ً ياخذون من المبادي طيبات وضوح=على بصر وبصيره ناس ماتاهت بصايرها
ومنازلهم كريمين السجايا بابها مفتوح=بها الظل الظليل ويامن اللي خاف ناحرها
وسحايبهم سحايب غيث ماهي في سحاب رشوح=وداخلها الصواعق للجبال ومن تسبرها
ومزاياهم يتوه الشعر فيها بين سر وبوح=لو اجلس يوم كامل ماصل اولها ولا اخرها
لهم كلمه..لهم موقف..لهم عند الخطوب رجوح=صناديد الرجال اللي حماة الدار سايرها
ولهم تاريخ مجدا ً متصل مع الزمن مسنوح=ويبقى مابقى حيا ً على الدنيا مظاهرها
وشكرا ً لسيدي مشعل راع العليا طويل سبوح=أمير مزاين ابل المملكه بالمال ناصرها
بذل جهده بذل وقته وقال تراثنا مايروح=عطايا الله لها التكريم والقرآن ذاكرها
وأبو تركي بها عاد الرياض من الكويت سروح=على الشدات طاوعته نهار وليل غايرها
وأدام الله حكومتنا بقادتنا جبال نطوح=أبو متعب وابو خالد حما عن كيد غادرها
ننام الليل في راحه وصوت حلوقهم مبحوح=رجال من السهر لاسعادنا جفت حناجرها
ولكم مني تحيه والجميع يقولها مسموح=مايوف الشعر في مدح النشاما من مآثرها
وصلوا عد ماهب النسيم وعد برق يلوح=على الهادي شفيع المسلمين بيوم محشرها